Wednesday, February 29, 2012

ඔබ සතු නිවැරදි චින්තන ශක්තිය

ඔබ සතු නිවැරදි චින්තන ශක්තිය දුර්වල කරනු වස් මත් ද්‍රව්‍ය ලක්දිවට ගෙන්වන ලදි. එහෙත් එය වටහා ගන්නට නොහැකි මොඩයින්  වැනි ලක්දිව මිනිස් සන්හතියම එයින් ඇතිවන අන්තගාමි තත්වය මැනවින් දැනහැදින එයම සිදු කරමින් ස්වකීය මානසිකත්වය හා නැණස දුර්වල කර ගෙන නොයෙකුත් දුරාචාරයන්ට නතුව කටයුතු කරමින් ස්වකීය විමුක්තිය දුර්මුක්තියක් බවට පත් කරගෙන ඇත. එයට වගකිව යුත්තේ ඔබම බව ඔබේ නැනසින් හා මනසින් මැනවින් වටහාගෙන කටයුතු කරන තාක්කල් ඔබට විදින්නට සිදු වන්නේ මන්ද මානසිකත්වයෙන් යුතු උන්මත්තකයෙකුම අයුරින් මිසක් යහපත් මානසිකත්වයකින් යුතු පුද්ගලයෙකු අයුරින් නම් නොවෙ. ඔබට යහපත් චින්තන ශක්තියක් ඔබේ උත්පත්තියෙන්ම හිමිවී ඇත. එහෙත් අද මේ වන විට ඒ චින්තන ශක්තිය විනාශයට පත් වී ඇත. ඒ කවරාකාරයෙන්ද යන වග අප මෙ අයුරින් විමසා බලමු.

අප සියල්ලෝම අපගේ සාර්ථකත්වයට

අප සියල්ලෝම අපගේ සාර්ථකත්වයට විසදුම් සොයන්නට කටයුතු කිරීමේදී බොහෝ සෙයින් අසාර්ථක වනු ඇත. එහෙත් අපගේ අසාර්තකත්වයට පත්වීමට අප කිසිදු කාර්‍ය්යක නොනියැලෙයි. අප හැම මොහොතකම සොයන්නේ අපගේ දිවියට මානසික හා කයික සැනසීම පමණයී. ඒ සැනසීම මුලුමහත් ජීවිත කාලය තුළම විදින්නට ඇත්නම් කෙතරම් අගනේද? යන අදහසට කිසිවෙකුත් පත් නොවෙයී. එහෙත් අප මේ මැරි මැරී උපදිමින් ගෙවන මේ ජීවිතය තුළ සැබෑ සැනසීමක් සෑම මොහොතකම විදින්නට ඇත්නම් එයාපගේ මුලුමහත් මිනිස් ජාතියටටම සැනසීමකී.

Wednesday, February 22, 2012

අඳුරු වළාවක් දෙස බලන්නට කැමැත්තේ කවුරැන්ද?

අදුරු වළාකුලු ඇති අහස දෙස බලන්නට කවරෙකු නම් කැමති වන්නේ ද.? කිසිවෙකුත් කැමති නොවෙයී. ඒ මන්ද යත්..? අදුරු අහසේ තරු හෝ තරුකා කිසිවක් නොපෙනෙන නිසාවෙනි. එහෙත් හද පායන වෙලවට හද පමනක් ඇත්නම් ඒ දෙස බලන්නටද එතරම් ප්‍රියක් නූපදී. එහෙත් ඒ සද අවට තරු ඇත්නම් අප සියල්ලෝම ඒ දෙස බලා සිතන්නට මෙන්ම කටයුතු කරන්නටමහත් වෙහෙසක් දරයී. එසේම ඒ දෙස බලා හිදිනුයේ මනා උවමනාවකින් යුතුවමය. එලෙසම අපේ ජීවිතඩහ ආලෝකමත් කරන්නට වෙහෙස විය යුතුයී. ප්‍රතමයෙන් අපෙ ජීවිතය මැනවින් ආලෝකමත් කරගෙන එය ආලෝකමත් කල අයුරු අන්‍යන්ට පැහැදිලි කරදී ඒ අයගේද ජීවිතද ඒ අයුරින් නිර්මාණය කරන්නට වෙහෙස විය යුතුය. එවිට අපවටා බොහෝ පිරිසක් ඒකරාශී වනු ඇත. ඒ කෙසේද යත්..? සද වටා එකතු වන තරු මෙන්ය. එවිට ඒ පිරිස අතරෙන් සමාජයට තවත් උපකාරයක් කරන්නට පිරිසක් බිහි වනු ඇත. එවිට තමන් යන මගට බොහෝ ගැටලු ඇති නිර්මාණය වනු ඇත. නින්දා අපවාද මෙන්ම තාඩන පීඩන නොයෙක් අයුරින් අප කරා එනු ඇත. එවිට අප නොසැලිය යුතුය. ප්‍රශංසාව අප වෙත පැමිණෙනු ඇත. එවිටද අප නොසැලිය යුතුය. එයට හේතුව මන්දයත්..? තමන්ට ප්‍රශංසා කරන කෙනාම නැවත තමාට අප්‍රශංසා කරන්නට පෙලබෙනු ඇත. එසෙම නින්දා කරන කෙනාම ප්‍රශංසාවන් කරන්නට පෙලබෙනු ඇත. මෙය මැනවින් අපගේ මනස තුල නිර්මාණය කරමින් තරු පිරිවරාගෙන මුලු ලෝකයම බබලවන සදක් වෙන්නට නැණසින් මෙන්ම මනසින් කටයුතු කරමු.


Tuesday, February 21, 2012

සැනසුම සතුට පිරි දිවියක අරුත සොයා

සැනසුම සතුට පිරි දිවියක අරුත              සොයා
වැනසෙන මගට පිය නොමනිනු මැනවි       ඔයා
දෙනයන වෙතට නැණයන ගෙන මනස      අයා
සිත යන සියලු තැන විමසනු මැනවි           කයා

දුටු දුටු රූප වෙත දිව යන සිතග                 අනේ
රෑකුමට වෙහෙස ගෙනැවිත් නැණසකින්    මනේ
සිටියොත් යෙහෙකි සතුටකි මුලු දිවිය        අනේ
නැත්නම් එහෙම මහ විපතකි සසර            වනේ

ලෝසත වසයී සිතු පැතු දේ               පස යනවා
කරනා කියන කිසිවක් නොම             විමසනවා
යහපත අයහපත ගැන නොම            සලකනවා
එකළදි ලොවේ අනිසිම ඵල                විදවනවා

කම්සැප විදිය යුත්තේ ණයක් ගත්තා යැයි සිතමිනි

අපගේ දිවිය තුළ අප වෙත එළඹෙන සෑම මොහොතක්ම අප සතුටින් දිවි ගෙවන්නට කැමති නිසාම අප සතු පසිඳුරන් පිනවන්නට පෙළඹෙයි. ඇසට ප‍්‍රියකරන රූපයක් ඇස ගැටෙන්නේ යම් මොහොතකද? ඒ දෙස බලා එය තමන් සතු කර ගැනීමේ මහත් වෙහෙසක යෙදෙයි. කනට මිහිරි හඬක් ඇසෙන්නේද ඒ හඬ නැවත නැවත අසන්නට සහ තමන් සතු කර ගැනීමට පෙළඹෙයි. නාසයට යම් ප‍්‍රිය ගන්ධයක් දැනුන විට හැම මොහොතකම එය නැවත නැවත විඳින්නට මෙන්ම එය තමන් සතු කර ගැනීමට මහත් වෙහෙසක් දරයි. දිවට යම් රසයක් දැනෙයිද ඒ මොහොතේ පටන් නිතරම ඒ රසය භුක්ති විඳින්නට පෙරුම් පුරයි. එසේම අපගේ ශරීරයට යම් සුව පහසු ස්පර්ශයක් දැනෙන්නේ යම් මොහොතකද හය නැවත නැවත විඳින්නට මෙන්ම එය සැමදා තමන් සතු කරගෙන දිවිගෙවන්නට මහා වෙහෙස මහන්සියක් දරයි. මේ අයුරින් අප සතු මේ සියලූම ඉඳුරන්ට ගොදුරුවන සෑම ප‍්‍රිය අරමුණක් කෙරෙහිම නියැලෙනු ඇත.
එහෙත් එය ඒ අයුරින් අප‍්‍රිය අරමුණු වලට ගොදුරු වන සඳ ඒ කෙරෙහිම නියැලෙන්නේ නැහැ නේද? අපගේ නෙතට අප‍්‍රිය කර රුවක් ඇති අංගවිකල ස්ත‍්‍රි රූපයක් හෝ මහත් කුෂ්ඨ රෝගයකින් පීඩිත ස්වභාවයට පත් වී දුගද හමන ස්ත‍්‍රි රූපයක් හෝ සුනක රූපයක් නෙත ගැටුනු සඳ අප පළමුව ප‍්‍රිය දසුනක් නෙත ගැටුනු පසු ඇතිවුන සිතේ සතුට උපදින්නේ නැහැ නේද? ඒ මොහොත තුළ අප වෙත එළඹෙන්නේ කවරාකාර අරමුණක්ද?

” අප්පෝ මේ ගෑනිගේ හැටි විතරක්, බලන්නවත් හිතෙන්නේ නැහැ, බෙහෙත් ටිකක් අරගෙන ලෙඩ හොඳ කරගන්න හිතෙන්නෙ නැතිද මන්දා ”

මේ ආදී සිතුවිලි ඇතිවන්නාක් මෙන්ම ඔවුන් අපගේ ශරීරයේ ස්පර්ශ වුවහොත් ඔවුන්ට බැන වදින්නට මෙන්ම පහර දෙන්නටද බොහෝ ඉඩ කඩ ඇත. එහෙත් මෙලෙස සිදුවනුයේ කුමක් නිසා දැයි අප කිසවෙකුත් එවැනි අවස්ථාවල දී නොසිතයි. ඒ නිසාම අප නැවත නැවත පසිඳුරන් පිනවීමටම වෙහෙස දරයි. 

අප මෙයට පුංචි උදාහරණයක් ගෙන බලමු. කමල් සතුව බොහෝ ලස්සන ගැහැණු ළමයෙක් හිටියා. ඇයගේ කට හඬ මෙන්ම රූ සපුවද ඉතාම ලස්සනයි. එසේම ඇය ළඟ හරිම සුවඳයි. නමුත් මැය කමල් සමඟ ආදරයෙන් බොහෝ කාලයක් සතුටින් දිවි ගෙවා ඉතා ඉක්මනින්ම කමල්ගෙන් වෙන්ව වෙනත් පිරිමි ළමයෙකු හා හාද විය. පසුව කමල් මහා කනස්සල්ලෙන් යුතුව ඇයට බනින්නට මෙන්ම තර්ජනය කරන්නට පෙළඹින. එසේම ඇය නැවත සම්බන්ධ වුනු පිරිමි ළමයා සමඟ ද ගැටුමට පෙළඹෙයි. ඇයි මේ? අර ලස්සනට හිටිය ස්ත‍්‍රී රූපය තමන් සතුව තිබී අන්සතු වුනු නිසා නේද? මෙය අපගේ පෘථග්ජන ස්වභාවය බව සැබෑවකි. එහෙත් එතනදී අප මුලින් කල්පනා කළා නම් මැය මෙතරම් ලස්සන රූ සපුවක් ඇති තැනැත්තියක් නිසා කෙදිනක හෝ ඇය අහිමි වුවහොත් එසේත් නැතිනම් මා හැර වෙනත් පිරිමියෙකු සමඟ හාද වුවහොත් එවිට මට සිදුවන්නේ කුමක්ද? මට එතනදී දුකක් විඳින්නට සිදුවනවා නේද? ඒ නිසා මා මැය ගැන දැඩි ආශාවක් නොතබාගෙන කටයුතු කල යුතුයි ආදී වශයෙන් මෙනෙහි කරගෙන සෑම කටයුත්තක්ම මුලින් ඇරඹුෙවි නම් එවැනි ගැටලූවකට මුහුණ පාන්නට තිබෙන ඉඩකඩ අඩුයි නේද? එසේම අප මේ හැම කාර්යයක්ම කරන්නට පළමුව නැණසින් මෙන්ම මනසින් සිතා බැලිය යුතුයි. අප සතුවන යමක් ඇත්නම් එය කිනම් හෝ මොහොතක අප සතු වන්නාක් මෙන්ම අපට අහිමි එය වන්නේය. එසේම අබට අහිමි වන්නට තිබෙන්නේ යමක්ද එයද අපට අහිමි වෙයි. ඒ නිසා මේ සියලූම වස්තූන්ට ඇලී ගැලී කටයුතු කළ යුතු නැත. අප යම් මොහොතක අප සතු පසිඳුරන් පිනවන්නට යන්නේද, ඒ පිනවීමේ කාලය තුලදී තාවකාලික සතුටක් විඳින්නට හැකිවනු ඇත. ඉන් අනතුරුව අප ඒ සතුටු වූ අයුරින් සතුටු වීමට නොලැබෙන්නේ යම් මොහොතකද එවිට අපගේ මනසට දුකක් විඳින්නට සිදුවන බව අප සියල්ලෝම මැනවින් දනිමු. එය දැන දැනත් අප අපගේ මනස සහ නැණස තව තවත් මුලාවට පත් කරන්නේ නම් හා අඳුරු මාවතක් තුළ ගෙන යන්නට පෙරුම් පුරන්නේ නම් එවිට අපගේ දිවිය හසුරවන්නේ කවර නම් තැනකදැයි අපටම සිතාගත හැකි නොවන්නේම නොෙවි.

ජීවිතය සුන්දරයි මලක් මෙන් පිපුණ සඳ, එසේම ඒ මල ස්වභාවික පරිසරය තුළ ස්වභාවිකවම පිබිදෙන්නේ නම් තවත් අගනේය. එසේම අපගේ සමාජය තුළ දිවිගෙවන මනුෂ්‍යය නමැති මනසින් උසස් සත්වයාද මිනිසෙකු සතු වූ ස්වභාවික ගුුණ දහම් වලින් පරිපූර්ණව නිර්මාණය වන්නේ නම් කෙතරම් අගනේද? ඒ ජීවිතයක වටිනාකම අමිල බව ලොව්තුරා බුදුපියාණන් වහන්සේ විසින්ම නොයෙක් අවස්ථා වලදී දේශිතව ඇත. එහෙත් ඒ දහම අසමින් නොඅසන පිරිසක් ලෙස දිවි ගෙවන්නට මනස මෙන්ම නැණස හුරු කරන්නට වෙහෙස නොවන නිසා බොහෝ මිනිසුන් පිරිසකට නොයෙක් දුක් ගැහැට විඳින්නට සිදු වී ඇත. ඒ මන්ද යත් තමන් බලාපොරොත්තු වන සැප සම්පත් ඒ අයුරින්ම සම්පූර්ණ කරගන්නට නොහැකි වූ නිසාවෙනි. පස්කම් සැපතට ගොදුරුවන්නේ නම් හා එය ගැන මනසින් මෙනෙහි කරන්නේ නම් ඔහු පළමුව සිහි තබාගත යුතු වන්නේ ” මම මේ කෙනෙකුගෙන් ණයක් ලබා ගැනීමකි ” යන්නයි. හේතුව මන්ද යත්? අප ණයක් ගත් පසු ඒ ණය දුන් තැනැත්තා අප ගත් ණය දෙන්නේ යම් මොහොතකද, ඒ තාක්කල් අපට කරදර කරමින් ඒ ණය ඉල්ලමින් අප පසුපස හඹා එන්නේ මුවෙකු පසුපස ලූහු බඳින දිවියෙකු පරිද්දෙනි. දිවියා මුවෙකු දුටු පසු මුවා අල්ලා ගෙන ගොදුරට ගන්නේ යම් මොහොතකද ඒ මොහොත දක්වාම ඔහු ලූහු බඳින්නේය. පස්කම් සැපද එලෙසමය. අපගේ දිවියේ සැනසීමක් නැත්නම් අපගේ සංසාර ගමන තුළ අපට මහා දුක්කම් කටොළු රාශියක් එක් රැුස් කරමින්ම තව තවත් සසරේ උපදවන්නට කරුණු කාරණා නිර්මාණය කරනු ලබයි. ඒ මන්දයත්? මනස තුළ නිර්මාණය කරනු ලබන සිතුවිලි වල දුබලතාවය නිසාවෙනි. එසේ නම් අප කළ යුතු හා නොකළ යුතු කුමක්දැයි අපට මැනවින් වටහා ගත හැකි නොවන්නේද? අපට ඒ සියල්ල වටහාගෙන නොයායුතු ගමන් මග අතහැර යා යුතු ගමන් මග තුළම ගමන් කරන්නට හැකියාව ඇත. එහෙත් මනස තුළ අසීමිත ආශාවන් රාශියක් මුළුගන්වා ඇත්තාක් මෙන්ම ඒ ආශාවන් තුළම හසුරුවන්නට වීරිය දරයි. ඒ දරන වීරිය අවසානයේ දුකක් මෙන්ම කඳුලක් විඳින්නට සිදුවන බව නොසිතයි. හැමදාම සතුට එකම අයුරින් විඳින්නට නැති බව ද නොසිතයි. එය හේතුව කුමක්ද? අප සතු අවිද්‍යාවයි. මේ අවිද්‍යාවෙන් මිදී විද්‍යාවට පිවිසෙන්නට අප නැණස මෙහෙයවා කටයුතු කළ යුතු වන්නේ අපගේ සිත කුසල් දහමට නතුවිය යුතු නිසාවෙනි. එසේ නොවන්නේ නම් අපගේ ජීවිතයේ අවසානයක් දැකිය නොහැක. හැමදාම මැරි මැරී ඉපදෙමින් දුක හා සතුට වැඩි අඩු වශයෙන් විඳින්නට සිදුවෙයි.

පසිඳුරන් පිනවන්නට සිතන්නේ නම් එය විය යුත්තේ ණයක් ගත් පසු එය තමන් ගෙවන තෙක් තමන් පසුපස එන ණයකාරයෙකුද තමන් පසුපස හිදිති යන සිතුවිල්ල තුළ හිඳිමින්මය.




අප අපගේ අනාගතය වෙනුවෙන්

wm ish¨u fokdg fkdfhl=;a wjia:djka ;=<oS fkdfhl=;a .eg¿ j,g uqyqKmdkakg fukau ta uqyqK mdk wjia:djka ;=<oS fkdfhl=;a wmyiq;djhkago ,lajkakg isÿjkq we;' tfy;a wm ta wjia:djka j,oS wmg ta .eg¿ we;sjkakg uQ,sl fya;=j l=ulao hk j. wmf.a keKiska úuid n,kafka keye fkao@ nqÿka jykafia úiska m%:ufhka foaYKd l< oïila mej;=ï iQ;%h ;=,ska foaYkd lrk ,oafoa l=ulao@ wm i;=jk iEu .eg¿jlgu fya;=jla we;s nj;a ta .eg¿jg úi÷u tu .eg¿j we;sjqkq fya;=j i;=ju we;s njhs' tkï wm ta .ek uekúka nqÿka jykafia úiska foaYs; oyug wkqj úuid n,uq'

අප ඉදිරියෙහි බාධකයක් ඇත්නම්

wm ish¿u fokd hk .uka u. ;=< fkdfhla ndOl lïlfgd¿ weisrS we;' ta ndOl yuqfúoS wm ta jgd weúoskakg .shfyd;a wm miqmiska tk ;eke;a;d ta ndOlhg Wäka mekf.dia wmf.a oskqï lKqj lrd msh ukskq we;' tfy;a Tyqg m%:u ;uka hd hq;= kï ndOlh <Õ kej;S tfoi n,d ys|skakg fkdj ta jgd .uka lrkakg fyda lghq;= fkdl, hq;=hs' wm t;koS wmf.a ukig wjeis ish¿ Yla;sh uekúka keKfia Wmldrfhka f.k iqjmyiq isrerlska ndOlh Wäka mek fmrg hd hq;=hs'

Monday, February 20, 2012

ගීතය වනාහී ආර්‍යය විනයෙහී හැඩීමකි

රුණ්ණමිදං භික්ඛවේ අරියස්ස විනයේ යදිදං ගීතං.
" ගීතය වනාහී ආර්‍යය විනයෙහී හැඩීමකි "

ලබන ලද මනුස්ස ජීවිතය තුළින් ඔබ ඔබට මෙන්ම අන්‍යය සත්වයින්ටද මහගු සේවයක් කරන්නට වෙර දරන්නේ නම් මේ සසර කතරින් එතෙර වන්නට එය මහගු කාර්‍ය්යක් බව ලොව සියල්ලෝම ඒ ගැන ප්‍රසං
සාත්මක මුඛයෙන් කතා කරන්නට වැඩිමනක්ම නොවෙහෙසෙයී. එහෙත් ඔබ මුළු මහත් සමාජයටම පිළිලයක් වන අයුරින් කටයුතු කරයි නම් ඒ ගැන දෝෂාරෝපණය  කරන්නට තවත් බොහෝ පිරිසක් වෙහෙස දරයී.

Sunday, February 19, 2012

ඔබ ශාරීරිකව දුර්වල වූවායැයී සිතා

ඔබ ඔබේ ශාරීරික දුර්වලතාවයන් හමුවේ මානසිකවද දුර්වල වන්නේ නම් ඔබේ මුලු මහත් දිවියම දුර්වල වනු ඇත. එහෙත් ඔබේ දුර්වලතාවය මැනවින් ඔබ තේරුම් ගෙන කටයුතු කරන්නට පෙළබෙන්නේ නම් ඒ තුළින් ඔබට මහට් දිගු ගමන්ක් යන්නට හැකි බව මෙම නික් නැමති ශාරීරික දුර්වලතාවයෙන් යුතු පුද්ගලායා අපට පසක් කර හමාරය. ලෝකය තුළ අප ජීවත්වන විට අපට යන්නට මාර්ගය නිර්මාණය කර දෙන්නේ අසල් වැසියන් හෝ මිතුරන් නොවේ. ස්වකීය මානසික දියුණුවමයී. ඒ මානසික දියුණුව ඔබ මැනවින් ඔබ තුළින්ම නිර්මාණය කර ගන්නට වෙර දරන්න. ඔබ හැම මොහොතකම වෙර දැරිය යුත්තේ අද, හෙට හා අනිද්දා යන දිනයන්හීදී ජීවත් වීමට සුදුසු පාරිසරික වටපිටාවක් නිර්මාණය කරගැනීම නම් නොවේ.

Friday, February 17, 2012

ධර්මය වනාහි නුවණැතියන්ට පමණි..

බුදු පසේබුදු මහ රහතන් වහන්සේලා විසින් අවබෝධ කරගනු ලැබුවා වූ චතු (සතරයි) අරිය (උතුම්) සච්ච (ඇත්තයී). මෙය පාලි භාෂාවට අනුකූලව නිර්වචනය කරන ලදි. තුන් ලෝකයේ ම දුක සහ සතුට එක ලෙසම හැම මොහොතකම නොවිදිමින් ජීවත්වන සත්වයන්ගේ  ඒ දුක සහ සතුට ඒ අයුරින්ම නොපවතින්නට මූලිකම හේතුව කුමක්දැයී මැනවින් දැන හැදින දේශනා කරන්නට කල්ප සියදහස් ගනනක් මුළුල්ලේ  පාරමීදම් පුරා  තුන්ලොව උතුරවා ලොව්තුරා බුද්ධ රාජ්‍යට පත්ව එය තුන් ලෝකයටම  පසක් කර දෙන ලදි. ඒ කෙසේද යත්...?

දුක්ඛාර්‍ය් සත්‍ය                                 =               දුක
දුක්ඛ සමුදයා‍ය්ර්‍ සත්‍ය                      =                දුක ඇතිවීමට හේතුව
දුක්ඛ නිරෝදාර්‍ය් සත්‍ය                     =                 දුක නැති කිරීම.
දුක්ඛ නිරෝදගාමිනි පටිපදාර්‍ය් සත්‍ය =                දුක නැති කිරීමේ මාර්ගය.

මේ අනුව නැණසින් විමසන කල අපට පසක් වනුයේ මෙය බුදු දහමේ මූලිකම හරයයී. එනම් සෑම ගැටලුවක්ම විසදන මොහොතක අනුගමනය කලයුතු පිලිවෙල මේ තුල මැනවින් පෙන්වා දී ඇත. එනම්...?

ප්‍රශ්ණය
ප්‍රශ්ණයට හේතුව.
ප්‍රශ්ණය වීසදීම.
ප්‍රශ්ණය විසදීමේ ක්‍රමය.

     මෙයට අනුකූලව ලොකයෙ තියේන හැම ගැටලුවක්ම සරල අයුරින් විසදාගත හැකිය. එහෙත් අප සියලුම දෙනාට මෙය තෙරුම් ගැනීමට නොහැකි විම නිසා නොයෙක් අයුරින් ගැටලු සහගත පරිසරයක් අප විසින්ම නිර්මානය කර ගෙන ඒ ගැටලු විසදාගත නොහැකිව සදාකාලික සැපයක් විදින්නට තියෙන කාලය තාවකාලික සැපයකින් නිමා කරන්නට සිදුව ඇත.

මේ සත්‍ය  සතරකට බෙදී ඇත්තේ මෙයට අනුකූලවය.

1. ලෝකයෙ ඇත්ත ඇති සැටියෙන් දැකීම    =
2. දුරුකල යුතු දේ දුරු කිරීම                        =   බාවේතබ්බ.
3. වැඩියයුතු දේ වැඩීම                                =   භාවෙතබ්බ.
4. නිවන සාක්ශාත් කිරීම                             =   ස්ච්ජිකාතබ්බ.

     මේ අනුව අප එම සතය හැදින ගතයුතුවාක් මෙන්ම අනුගමනය කල යුතුය. එසේම මේ සත්‍ය  සතර ආර්‍ය් සත්‍යක් යැයි හදුන්වන්නට තව හේතු සාධක  ඇත. එනම්.

1. බුදු පසෙ බුදු මහ රහතන් වහන්සේලා විසින් අවබෝධ  කර ගන්න නිසාත්.
2. කිසි කලෙකත් බොරුවක් නොවන නිසා මෙන්ම කිසිවෙකුට බොරුවක් යැයි කිව නොහැකි නිසාත්.
3. මේ ආර්‍ය් සත්‍ය අවබෝධ  කිරීම තුලින් සෝවාන් ආදී මාර්ග ඵල වලට පත්විය හැකි නිසාවෙනි.

අනතුරුව බුදුන් වහන්සේ විසින් මේ සත්‍ය සතර වෙන වෙනම පැහැදිලිකර ඇත. එනම්..

 දුක්ඛ ආය්ර්‍ සත්‍ය

'' තත්ත කතමන් දුක්ඛන් අරිය සච්චන්.? ජාතිපි දුක්ඛා, ජරාපි දුක්ඛා, ව්‍යාදිපි දුක්ඛෝ, මරණන්පි දුක්ඛන්, අප්පියෙහි විප්පයෝගෝ දුක්ඛෝ, පියෙහි විප්පයෝගෝ දුක්ඛෝ, යම්පිච්චන් න ලභති තම්පි දුක්ඛන්, සන්ඛිත්තෙන පන්චුපාදානක්ඛන්දා දුක්ඛා ''

''දුකට හේතුව කුමක්ද..? ඒ ඒ සත්වයන් සත්ව නිකාය තුල ඉපදීම ජාති නමින් හදුන්වනු ලැබේ. ඒ උත්පත්තිය ඔවුන්ගේ සියලුම දුක් වලට මූලික වන නිසා ඉපදීම දුකකි.''

උපන්නා වූ සියලුම සත්වයෝ වයසට ගොස් දිරාපත්වනු ඇත. එසේම කෙස්, නිය, දත්, හම රෑලි වැටීම, ආයුෂ  ගෙවීම්, ඉදුරන් දුබල වීම ජරා දුක නමින් හැදින්වේ.

එසෙම නොයෙකුත් රෝගාබාදයන්ට ගොදුරු වීම ව්‍යාදි දුක නම් වේ.එ ය දේශගුනය වෙනස් වීම නිසා මෙන්ම වාපිත් සෙම් කෝප වීම නිසා සහ තම තමන් කරන ලද කර්මයන් නිසා එහි විපාක ඵල දීම සිදු වෙයි.

එසෙම එ එ සතවයන් තම තමන් උත්පත්තිය ලැබූ ලෝකයෙන් චුතවීම මරනය නමින් හැදින් වේ.

අප අකැමැති පුද්ගලයන් සමග එකතු වීම අප්පියේහි සම්පයොගෝ දුක්කෝ යනුවෙන් හැදින්වේ.

එසෙම ප්‍රිය පුද්ගලයන්ගෙන් වෙන්වීම දුකක් යැයිද පෙන්වා දෙයි.

තමන් යමක් පැතුවද එය ඒ අයුරින්ම නොලැබීම තවත් දුකකි. මේ අයුරින් විමසන කල්හී රූප, වේදනා, සන්චා, සන්ඛාර, වින්නාන යන පන්චස්ඛන්දයන් පිලිබදව අප තුල ඇති බැදීම නිසා අපට හැම මොහොතකම දුක ගෙන දෙන්නෙය. මේ නිසා අප කල යුතු කුමක්ද මනසින් මෙන්ම නැනසින් විමසිය යුතුය.

'' නුවණැති පුද්ගලයා සීලය තුල මැනවින් හැසිරීමෙන් මනසත් නැණසත් මැනවින් පොසනය කරයී. ඒ තුලින් තමා සතු සියලුම බැදුම් ලිහිල් කරන්නේය. ''

අප සියලුම දෙනාට යන්නට බොහෝ

අප සියලුම දෙනාට  යන්නට බොහෝ දුර ගමනක් ඇත. ඒ  ගමන යන්නට නම් අප සියලුම දෙනා මැනවින් අධිෂ්ටානයෙන්  යුතුව කටයුතු කල යුතුය. එසෙ නොඋන සද අපට අපෙ මුලු ජිවිතයම අකලයේ  විනාශ  වෙන දෙස දුකින් සහ තරහකින් යුතුව බල සිටින්නට සිදු වේ. නමුත් අප සියලුම දෙන කමති වන්නේ අපේ ජීවිතය විනස වන දෙස බල හිදින්නටද.....? නැත්නම් අපේ  ජීවිතය ලස්සන මල් මල් පිරුනු අනගතයක් ලෙස ගත කරන්ව දකින්නටද...? අප සියලුම දෙනා හැම
මොහොතකම උත්සහ කරන්නෙ අපෙ ජිවිතය ලස්සනට ගෙවෙනව දකින්නටම නේද...? එසෙ නම් අප මන්වින් සිහි කලපනවෙන් යුතුව කටයුතු කරමු.. එලෙස කටයුතු කරන්නට මනස සකස් කර ගන්නා ඔබට තෙරුවන් සරනයී...

අප කිසිදු උවදුරකින් තොරව



අප කිසිදු උවදුරකින් තොරව සිංහයකු  මෙන් නැගී සිටින්නේ නම් අප අසල හැම කෙනෙක්ම දිවි ගෙවයී. එහෙත් අප හිවලෙකු මෙන් පසු බසින්නේ නම් කිසිවෙකු අප අසලට නොයෙන්නාක් මෙන් අප දෙස මන විමසිල්ලකින් යුතුව නොබලයී. මෙය ලෝකයේ ස්වභාවයයී. ජීවිතය නැමති නෞකාව පදවන විට අපගේ දිවිය වෙතට එන බාදක අයුරින්ම රල පහරවල් මහා වේගයෙන් හැපෙයී. ඒ රල පහරවල් ගෙටෙන විට අප වැටිය යුතුද? නැහැ අප එවිට නොසැලී ඉදිරියටම යා යුතුයී. අප සියලුම දෙන බල පොරොත්තු වන එකම සැනසීම නම් කුමක්ද? ජීවිතයේ හැම මොහොතකම සතුටින් ජීවත වීමටම නොවෙද? එහෙමමයී. එහෙත් ඒ සතුට විදින්නට කැමති වන අප එය ලබා ගැනීමේ සහ විද ගැනීමේ අභිලාශයෙන් කුමක්ද මේ සිද්ද කරන්නේ..? සතුටම ලැබෙන කටයුතුද? එසේත් නැති නම් දුක තව තවත් වැඩිවන කටයුතුම නොවෙද? සැප සැප යැයි නිතරම හඩ ගා කියමින් අප දුකම පමන්යී වැලදගෙන තියෙන්නේ. දැන්වත් අප මේ අදුරු ගුහාවෙන එලියට ඇවිත් සැබෑ ලෝකය දිහා මනා විමසිල්ලෙන් යුතුව බලමු. එවිට මේ නිවැරදි සත්‍ය නොපෙනෙන දෑස් දැල් වේවී.

අනුන්ගේ නින්දා අපහාසයන් හමුවේ

අනුන්ගේ නින්දා අපහාසයන් හමුවේ අප අධෛර්යමත් විය යුතු නැත. අප සියල්ලෝම අනුන්ගේ ගැරහුම් හා නින්දා අපහාස හමුවේදී නොසැලෙන ධෛර්යකින් යුතුව පෙරට යා යුතුය. කුමක් මෙන්දයත් යටිකුරු කරන ලද ගිනිහුල කිසිදු මොහොතක ඒ අයුරින්ම නොපැවතී උඩුකුරු වන්නේය. එපරිද්දෙන්ම දුදනන් සමග එකට කටයුතු කලත් ඔවුන්ට මැනවින් ගරු බුහුමන් කලත් ඔවුන් උත්පත්තියෙන්ම උරුමකරගත් දුදන ගති පැවතුම් වනසාලන්නට නොහැකිය. කුමක් මෙන්ද යත්..? අමුර්තය ඉස්සත් විස සහිත ගසේ හට ගන්නා ගෙඩි සියල්ලම විස ඇතුවම ඵල දරන්නාක් මෙනි. මේ සියලු කරුනු මැනවින් දැන හැදින මනාව සිත්තම් කරන සිත්තරෙකු විසින් මට සිලිටු වූ සිතුවම් පුවරුවක් තුල මැනවින් සිතුවම් කරයිද..? කදු හෙල් ඇල දොල ගන්ගා මේ සියල්ලක්ම සැබෑ ස්වරූපයෙන්ම මවා පාන්නේ නම් ඔහු මනා හැකියාවකින් යුතු සිතුවම් කරුවෙකු මිසක් නාමික සිතුවම් කරුවෙක් නොවේ.එ ලෙසමය දක්ෂයා තමා සතු වූ දක්ෂතාවය නිසාම නැති දෙය වුවත් ඇති අයුරින් මවාපාන්නට කටයුතු කරයී. එය  සැබෑ දක්ෂතාවයයී.

ජීවිතය මැනවින් රෝපනය කරන්නට නම් අනුන්ගේ දෝෂා
රෝපනයන්ට හෝ ගැරහුම් නින්දා අපවාදයන්ට හිත කලකිරෙන පුද්ගලයෙකු නොවිය යුතුයී. ඒ මන්දයත් ප්‍රකෘර්ති ස්වභාවයෙන් පවතින සිත වීකෘර්ති ස්වභාවයට පත්වීම තුලින් කිසිදු කාර්යක් තම්න් සතු බුද්ධියෙන් විමසා කරන්නට තිබෙන හැකියාව කෙමෙන් කෙමෙන් වියැකී යන් නිසාවෙන්මය. මේ සියලුම කරුනු කාරනා ගැන මැනවින් දැන හැදින් ජීවිතය එකිනෙක බාධක මැද ගොඩ නගන්නට අප වෙර දැරිය යුත්තේ නොසැලෙන අධිෂ්ටානයෙන් යුතුව ප්‍රඥාවේ ආලෝකය උදාකරලීමෙන්මය.

ජාතියක් වශයෙන් හා ආගමක් වශයෙන්

ජාතියක් වශයෙන් හා ආගමක් වශයෙන් සිංහල ජාතියට ආවෙනික වූ සිරිත් විරිත් වලින් අනිත් ජාතීන්ට වඩා පරිපූර්ණ වූ සහ කිසිවෙකුට හෙලා නොදැකිය හැකි සංස්කෘතියක් ඇත. එහෙත් එයට පරිබාහිරව සිංහල ජාතිකයන් කටයුතු කරන නිසාම නොයෙකුත් ගැටලු සහගත තත්වයන්ට මුහුන පාන්නට සිදු වී ඇත. එය හරියට තමන්ට යායුතු මග තිබියදී නොමගට ගොස් කිසිදු දැනුමක් නැති කාන්තාරයක අතරමන් වූවාක් හා සමානය. එහි වැලි රත්වෙන මොහොතට උඩ පැන පැන හඩ ගගා කෑගසයි. එහෙත් එය නොදැනෙන රැයට මොහොතකට එ කිසිත් මතක නැත.මෙයම නොවෙද අපෙ සිංහල ජාතියට වෙලා තියෙන්නේ? ඇයී එහෙම උනේ යායුතු මග තිබියදී නොමග ගිය නිසාම නොවේද? සමාජගත සත්වයාද තිරක් තියෙන තැන මැනවින් දැන තොරක් නැතිව අන්‍යන්ගේ සංස්කෘතීන්ට අවනත වෙන්නට සිතන පතන නිසාම සහ ඒ තුල ඇති ගුණ සහ අගුණ ගැන කිසිදු විමසීමකින් තොරව ඒ සියල්ලම වැලද ගන්නා නිසාම අකටයුතුකම් කරමින් සමාජය තුල පරාජිතයන් ලෙස බියගුලු ස්වභාවයක් උසුලයී.

අප සියල්ලෝම කිසිදු මොහොතක නොසිතන එකම කරුණක් ඇත. එය නිසාම අපේ ජීවිත තුල නොයෙක් ගැටලු ඉක්මනින්ම නිර්මාණය වනු ඇත. ඒ කුමක්ද? මත්ද්‍රව්‍ය ලක්දිවට හදුන්වා දුන්නේ ඇයී? ඒ තුලින් අනිත් රටවල් තුල ඉන්න ඇත්තන් බලාපොරොත්තු වනුයේ කුමක්ද? ලක්දිව ඇති හොදට සිතා මතා කටයුතු කරන්නවුන්ගේ මනස සහ ශරීරය විකෘති කර විනාශ කිරීමේ අරමුනම නොවෙද?

..උම්මත්තකා විගත ලජ්ජි ගුණා භවන්තී.
දීනාසද්‍යශනා ශෝක පරායනාච.
ජාතා භවෙසු විවිදෙසු විරූප දේහා.
පීත්වා හලා හල විසන්ච සුරා විපඤ්ඤා..


යමෙකු අප්‍රමාදයට හේතුවන මත් ද්‍රව්‍ය පරිහරනය කරන්නේ නම් ඔහු මෙලොවදීම උම්මත්තකයෙකු, දිලින්දෙකු, අලජ්ජී පුද්ගලයෙකු, නින්දා ලබන්නෙකු බවට, ශෝක කරන්නෙකු, ලෙඩ රෝගයන්ට ගොදුරු වන්නෙකු මෙන්ම නැවත අත්භවයක උපදින්නේ නම් විරූපී දේහයක් ඇතියෙකු මෙන්ද උපදිනු ඇත. එසේම තමන් සතු වූ නෑ හිත මිතුරන්ට තමන්ව එපාවන තත්වයක් උදාවනු ඇත.

මේ සියල්ලක්ම සිදු වන්නේ කුමක් නිසාද? අප අනුන් කරන දේ වැලද ගත් නිසාම නොවෙද? ජාතියක් වශයෙන් හා ආගමක් වශයෙන් මහත් එඩිතරකමකින් දිවි ගෙවන්නට තිබියදී එය වියැකාගෙන තිබෙන්නේ අපි විසින්ම නොවේද? දැන දැනත් අපට විදින්නට තියෙන සැප සම්පත් නැති කරගන්නේ එසේ නම් අප විසින්ම නේද? ඇයී එහෙම සිද්ද උනේ අන්‍යන් සතු කටයුතු අපද වැලද ගන්නට ගිය නිසාම නොවෙද?ඒ නිසාමයී. අන්‍ය ජාතිකයන් මහත් හරසරින් උත්සව පවත්වනව දැක සිංහල
යනුත් ඒ විදිහටම උත්සව පවත්වන්නට කටයුතු කලා. එතනදි අප සතු උනු හැම සිරිතක් විරිතක්ම විනාශ වෙලා. මේ සියල්ලම අප සතු වන අතුප්ති කර ආශාවේ ප්‍රතිඵලයක්ම මිසක් වෙන කිසිවක් නොවේ. එය මකාලමින් නැති උනු සංස්කෘතිය නැවත අප තුලින්ම පුබුදුවන්නට කටයුතු කරන්ව මිසක් අනිකුත් ජාතිකයන්ගෙ ආගමක්වත් ජාතියක්වත් හෙලා දැකීමෙන් ඇති කිසිදු ප්‍රතිඵලයක් තියෙනවද? යන වග අපගේ නැණසින් මැනවින් විමසා බැලිය යුතු කාලය අද හෙට හෝ අනිද්දා නොවේ. තවත් අන්‍යය ජාතිකයෙක් සතුන් මරන්ව මත්ද්‍රව්‍ය පරිහරනය කරනවා යැයී දැන දැනත් ඒ තුලින් මහත් විනාශයක් සිදුවන බව මැනවින් දැන අපද එය වැලද ගැනීමද කල යුතු? නැහැ නේද? මෙය මැනවින් සිතනු වටහා ගනු කටයුතුකරනු. එසේ යමෙක් කරන්නේ නම් හා සිතන්නේ නම් ඒ සැම හට තෙරුවන් සරණින් යහපතක්ම වේවා.

නැණවත් වීමට ඔබ හෙට වන තුරු බලා නොසිටින්න.

නැණවත් වීමට ඔබ හෙට වන තුරු බලා නොසිටින්න. ඒ මන්දයත් හෙට පායන හිරු ඔබ හමුවෙහි නොපායන්නට ඇති ඉඩකඩ මහත් විශාලය. ඒ අපේ සිතුවිලි නිවැරදි අයුරින් පාලනය කිරීමේ හැකියාවක් නිතරම එකම අයුරකින් නොපවතින නිසාමය. අප සියල්ලෝම අතර ජීවත්වන සියලුම දෙනා එකම මානසිකත්වයක නිතරම එල්බගෙන සිටින්නේ නැත. ඒ මනසේ සැබෑ ස්වභාවයයී. එහෙත් ඒ අයුරින් නොපවතින මනස එකම අයුරකින් පවත්වා ගන්නට උත්සාහ දරන්නේ නම් එය තමන්ටම මහත් උපකාරයක් වනු ඇත තමන් සතු සියලුම කටයුතු මැනවින් ඉටු කරගැනීම සදහාම. අප සියලුම දෙනා යන ගමන් මග තුල දකින්නට මෙන්ම විමසන්නට අවැසි දෑ මෙන්ම නොවැසි දෑ ඇති බව අප මැනවින් දනිමු. එහෙත් අප එය නොදන්නවුන් ලෙස කටයුතු කරන්නට සමහර අවස්තා තුලදී බොහෝ ලෙස පෙලබෙනු ඇත. ඒ පෙලබීම කෙතරම් දුරට සාර්ථකද අසාර්ථකද යන වග තීරනය කරන්නේ බොහෝ දෙනෙක් ඒ කාර්‍ය් අසාර්ථක  වූ පසුවමය. එහෙත් අප යම් කාර්‍ය්ක් කරන්නට අරබන්නට ප්‍රතම එය සිදු කළ යුතු අයුරු මැනවින් ප්‍රතමයෙන් නිර්මාණය කරගෙනම සිදු කරන්නට පෙලබෙන්නේ නම් මනා සාර්ථකත්වයක් ලබන්නට හැකි වනු ඇත.

පිපෙන්නට පෙර මල සතුව හෝ මල අයිති ගස සතුව කිසිදු හැගීමක් දැනීමක් නැති වුවත් ගසක මනා පෙනීමෙන් හා සුගන්දයකින් පිරිපුන් මල් පිපුන පසු ඒ දෙස බොහෝ දෙනෙක් මනා විමසිල්ලේන් බලන කල්හී තව තවත් ලස්සන අයුරින් මල් පූදින්නේය. ඒ සියලුම දෙනාගේ නෙත් සිත් මැනවින් පිනවමිනි. එහෙත් ඒ මල එකම මොහොතක අප බලා සිටින විටම කවර හෝ උවදුරකින් වියැකී යන්නේ නම් එවිට අපගේ මනසට මහා දුකක් මෙන්ම කනස්සල්ලක් ඇති වනු ඇත. ඒ මන්ද? අර මල මනා සුගන්දයකින් හා පැහැපත් දසුනකින් පරිපූර්ණ වූ නිසාම නොවේද? ඒ නිසාමයී.

එහෙත් අප ඒ මොහොතේ දුක් සුසුම් හෙලීමෙන් ඵලයක් ඇත්තෙද? නැහැ. අප ඒ මොහොත තුල සිතිය යුතු එකම දෙය නම් මෙය මෙසේ වියැකෙන්නේ නම් සිතන්නට පතන්නට මැනවින් හැකියාවක් ඇති අප ගැන කවරාකාර හැගීමක්ද?

ඔබට අවශ්‍ය ආදරය කරුණාව දයාව ඔබ තුලින්ම ලබා ගන්න.එවිට ඔබගේ නෙතු අගට කදුලු බිදු නොපෙනෙවී. එහෙත් ඔබට අවශ්‍ය සැප සම්පත් වෙන කෙනෙකුගෙන් පතන්නේ නම් එය ඔබ පතන අයුරින් නොලැබෙන කල්හී දුක් විදින්නට සිදු වන්නේ ප්‍රකුර්ති චිත්ත ස්වභාවය විකුර්ති කර ගනිමින්මය. මිනිසුන් ලෙස අප නිතරම ආශා කරන්නේ කුමක් සදහාද? ඒ අශා කරන සියල්ල මැනවින් සිත තුල තබාගෙන හෝ තමන්ට නිතරම පෙනෙන තැනක ලිය තබාගෙන හෝ ඒ සියල්ලම තමන් වෙත මැනවින් තමන් විසින්ම සම්පාදනය කර ගැනීමේ ක්‍රම වේදයක් තමන් විසින්ම නිර්මාණය කර ගන්න.

1. ලස්සනට ශරීරය තබා ගන්න.
2. වෙනත් අයගෙන් බැනුම් නොඅසන්න.
3. ප්‍රශන්සාවන්ට ලක් වන්න.
4. අවමන් නොලබන්න.
5. අන්‍යයන්ට වඩා ඉහල තනතුරු වල වැජබෙන්න.
6. පිරිසක් මැද නායකයෙකු වන්න.
7. දෙමාපියන්ගේ සෙනෙහස ලබන්න.
8. අවංක  සත්පුරුෂයෙකු වන්න.
9. හොදින් ඉගෙන ගන්න.
10. තමන් විදින සැප සම්පත් එකම අයුරකින් නිතරම තබා ගන්න.

මේ ආදී සියලුම මහා සිතුම් පැතුම් රාශියක අපගෙ සිත තුල නිර්මාණය කරගෙන ඇතත් ඒ සියල්ල සඵල කර ගන්නේ කෙසේදැයි කිසිදු මොහොතක නොසිතයී. මේ සියල්ලම අප විසින් තනියම සඵල කර ගත යුතුම මිසක් වෙන කිසිවෙකුට මෙය සඵල කර දෙන්නට කිසිදු හැකියාවක් නොමැත.

තමන්ට මහා වියතෙකු හෝ ගත් කරුවෙකු වෙන්නට නම් තමන් ඒ සදහ වෙහෙස මහන්සී වී ඒ කටයුතු තුල නියැලිය යුතුමයී. එසේ නොවන්නට මෙ තත්වයට මා පත්විය යුතු යැයී සිතමින් එකම තැනකට වී ආහාරපාන බුදිමින් දිවි ගෙවන්නේ නම් එය මැනවින් ඉටු නොවනු ඇත. මෙය මැනවින් සිහියෙහි තබගෙන කටයුතු කරන්නේ නම් අදුරු වළාකුලු ඇති අප ජීවිතය තුල මනා ආලෝකයෙන් යුතු පුන් සද පායනු ඇත.

ඔබට දිගු ගමනක් යන්නට අවැසි නම්

ඔබට දිගු ගමනක් යන්නට අවැසි නම් එ ගමන යන්නට අවැසි මාවතක් ප්‍රතමයෙන් ඔබෙ සිත තුල නිර්මාණය කර ගන්න. එවිට ඔබට යන්නට අවැසි තැනට යායුතු මාර්ගය නිතැතින්ම නිමැවෙනු ඇත. එය ඔබව මවිතයට පත් කරාවි. එසේම ඔබ සිතන්නේ පතන්නෙ යමක්ද? ඒ සියල්ල ඒ අයුරින්ම ලබා දෙනු ඇත. ජිවිතය නැමති නව්කාව පදවන විට ඔබව අපහසුතාවයට පත් කරන්නට නොයෙකුත් බාධක  රළපෙල නැගෙනු ඇත. ඒ රළපෙළ පරදන්න නම් ඔබ නිවැරදි අයුරින් නව්කාව පදවන්නට හුරුපුරුදු විය යුතුමය.

ඔබට කදු මුදුනට නගින්නට අවැසි නම් පියෙන් පිය පිය නගන්න කදු මුදුන දෙසට. එවිට ඔබට කදුමුදුනට යන්නට හෙකිය. එහෙත් ඔබ එක රෑයකින් කදු මුදුනට යන්නට සිතන්නේ නම් එ නිසාම ඔබෙ දිවිය කෙලවර වන්නටද ඉඩ තිබේ.

ඔබට ඔබේ ජීවිතය සාර්ථකව

ඔබට ඔබේ ජීවිතය සාර්ථකගොඩ නගන්නට නොහැකි යැයී ඔබේ සිත තුල සිතු විල්ලක් ගොඩනගා ගෙන සිටිනාතාක්  ඔබට ගොඩ නැගෙන්නට නොහැකිය. එසේ නම් ඔබ නිතරම ඔබ සතුව ඇති දක්සතාවයෙන් ප්‍රයෝජනයක් ගන්නට වෙර දරන්න. ඔබ සතුව ඇත්තේ සුලු මුදලක්ද එය වැය කොට සුලුවෙන් මුදලක් උපයන රෑකියාවක් හෝ ඔබ අරබන්න.ඒ  තුලින් ඔබට ඉදිරියට යන්නට අවශ්‍යය අන්‍ය මාර්ගයන් විවර කර දෙනු ඇත. ඔබ කිසිදු මොහොතක කිසිදු අයුරකින් මට කිසිත් කර කියා ගත නොහැකි යැයි පසු තැවෙන්නට හෝ මන්දගාමී දුර්වල මානසිත්වයක් ගොඩ නගා ගන්නට වෙර නොදරන්න. එසේ වෙර දරන්නේ නම් එය ඔබගේ මුලු දිවියම අදුරු කරන සතුරාද වනු ඇත. ඔබට මේ ලෝකයේ කරන්නට නොහැකි කාර්‍යන් දෙකකි. එනම් අවශ්‍ය මොහොතක මරනය කර යාමටත් අවශ්‍ය මොහොතක ඉපදෙන්නටත් පමණි.අන්‍යය සියලුම කටයුතු කල හැකිය. අවශ්‍ය වන්නේ නොසැලෙන අදිස්ටානයෙන් ගොඩ නගන ලද නැණසක් පමණි.එය ඔබට ගොඩ නගන්නට හැකි නම් ඔබගේ මුලු දිවියම සාර්ථක වනු ඇත.

මිනිසුන් අසාර්ථක වන්නට සැලසුම් නොකලාට

මිනිසුන් සාර්ථකවන්නට සැලසුම් නොකලාට සාර්ථකවන්නට සැලසුම් කරන්නට අසාර්ථක වෙනව. සෑම මිනිසෙකුගේම සිත තුල නිමැවෙන ආකල්ප වෙනස් කරන්නට අප වෙර දැරිය යුතුයී. එසේ ඔබගෙ සිත තුළ ඇති වන ආකල්ප වෙනස් කරන්නේ නම් ඔබේ මුලු මහත් ලෝකයම වෙනස් කරන්නට මහත් හැකියාවක් ඇත. ඇප සියල්ලෝම ඉපදෙන ඔහොතේ කිසිත් අප සතුව තිබුනාද? නැහැ. අප සතුව කිසිත් නොතිබුනි. එහෙත් අප ඒ ඉපදුන අයුරිනමද මේ මොහොතේ ජීවත් වන්නේ? නැහැ. අප සිටිය තත්වයට වඩා යම්තාක් හෝ ඉහල තැනකට පත්වී හමාරය. ඒ අප සතු වූ දෙමාපියන් විසින් යම්තාක් දුරට හෝ අපගේ සිත තුල නිමැවුනු ආකල්ප නිසා බව අප දනිමු. අප සතු දෙමාපියන් මුලින්ම අපගේ සිත තුල ඇති කළ ආකල්පය කුමක්ද? ප්‍රතමයෙන්ම ඇදුම් පැලදුම් පරිහරනය කිරීම නොවේද? එයමයී. අනතුරුව ඔබගේ වාග් වීලාසයද වෙනස් කොට කිසිදු වදනක් නොතෙපලූ දරුවා කතාකරන තත්වයට පත්කොට ඇත. ඒ ඒ අයුරින් බොහෝ ආකල්ප ප්‍රමාණයක් නිමවමින් සමාජගත සත්වයින්ගේ ආකල්ප නිවැරදි අයුරින් මෙනම වැරදි අයුරින් නිමවා ඇත. ඒ නිසාම දුක් විදින සහ සැප සම්පත් විදින මිනිසුන් ප්‍රමාණයක් නිමැවී ඇත. ඔබ ඔබගෙ සාර්තකත්වය කරා පිය නැගිය යුත්තේ ඔබගේ මනස විවේකී සුවයෙන් යුතුවමය.

Wednesday, February 15, 2012

              එක් ඉඩම් හිමි ලෝභී මිනිසෙක්



එක් ඉඩම් හිමි ලෝභී මිනිසෙක් විය. මොහුට අවශ්‍යය වුනේ ඒ පලාතේම ලොකුම ඉඩම් හිමි අයිතිකාරයා වීමටය. ඒ නිසාම ඔහු හැම අස්සක් මුල්ලක් නෑරම ඉඩකඩම් මිලදී ගන්නට විය. මොහුට එක දිඅනක් අරන්චියක් ලැබිනි. ඒ කුමක්ද? ඒ රටේම එක පලාතක බොහෝ ඉඩම් ප්‍රමාණයක් විකුණන බවය. මෙය අසූ මේ පුද්ගලයා රන් කාසී මල්ලකුත් අරගෙන ඉඩම් විකුණන ස්ථානයට ගොස් එම පලාතේ ප්‍රධානියා මුන ගැසිනි. එහිදී එම මුලා දැනියා ප්‍රකාශ කළේ ඔබ මේ ගස ලග ඔය රන් කාසි මල්ල තබා ඔබ අවශ්‍ය ඉඩම් ප්‍රමාණයක මායිමේ ඇවිද ගොස් නැවත ඉර බැස යන්නට ප්‍රථම මේ ගස ලගට ආයුතු බවයී. ඔහුගේ දැඩි ලෝභකම නිසා මහත් විශාල ප්‍රදේශයක ඇවිද හති දම දමා ඉර බැස යන්නට ප්‍රථම අර රන් කාසි මල්ල තැබූ තැන මැරී වැටිනි. ඔහු එහාට මෙහාට පෙරලා බැලූ ගමේ නායකයාට වැටහුනේ ඉඩම් කට්ටියේ ඇවිද මහන්සියටම මියගොස් ඇති බවයී. අනතුරුව එතන සිටි සේවකයන්ට කතා කොට විමසන ලද්දේ මැරුනු පුද්ගලයෙකුට දිය යුතු ඉඩමේ ප්‍රමාණයයී. ඒ අනුව ඔහුට අඩි 6ක කොටසක් හිමි විය. අවසානයේදි ඔහුට ඉඩමවත්, මුදල්වත් ජීවිතයවත් නොමැති විය.

ඒ සියල්ල සිදු වූයේ ඔහුගේ දැඩි ලෝභය නිසා බව අප දනිමු. එසේම අපට අපගේ ජීවිතය ගෙවී යන කාලය තුල ලැබෙන්නේ යමක්ද ඒ ලැබෙන වස්තුව තුළින් කෙසේ හෝ ජීවත් වන්නට වෙර දරමු. නොයෙකුත් වස්තු සම්භාරයන් හමුවේ ගැටෙන්නට වෙර දරන්නේ නම් ඔහුගේ විනාශය මිසක් ජීවත් වීමක දකින්නට කිසිදු මොහොතක් කිසිදු ඉඩක් නොපැනේ. එය ලෝකයේ පවතින සැබෑ ධර්මතාවවයකි. එය වෙනස් කරන්නට දෙවියෙකුවත් බඹෙකුවත් සමත් නොවන බව ඔබ ඔබගේ මනසෙහි ධාරනය කර ගනිමින් ඒ අනුවම කටයුතු කරන්නට වෙර දරන්නේ  නම් එතනදී ඔබගේ දිවියේ සැනසීමක් ලද හැකිය.

Tuesday, February 14, 2012

ලෝකයම අදුරු වූ මං පෙතක් තුළ

ලෝකයම අදුරු වූ මං පෙතක් තුළ ඇවිද යන විට ඔබ පමණක් හෝ එලිය ඇති සොදුරු මාවතක් තුළ මැනවින් පිය මනින්නට වෙර දරන්නේ නම් ඒ ඔබ යන මග තුළ ඔබ මානසිකව වින්දනය කරන ලද සැනසීම දෙස බලා අන්‍යයන්ද ඒ මග අනුගමනය කරන්නට පෙළබෙනු ඇත. ඒ මන්දයත්? ගතානුගතිකත්වය අද දිවි ගෙවන්නාවූ බොහෝ පිරිසක් අනුගමනය කරන නිසාවෙනි. හැබැයි ඔබ ගමන් ගන්නා මාර්ගය අන්‍යයන්ට දැනෙන්නට අනුගමනය කළ යුතුමය.

අප උපත ලද්දේ විශවයේ යථාර්තාවබෝදය ලබමින් මැරි මැරී උපදිමින් දුක් විදන්නට නොවේ යන වග ඔබ නිතරම සිහියෙහි තබගෙන කටයුතු කළ යුතුය. එහෙත් ඒ අවබෝධය ලබන්නට ඔබ කෙතරම් වෙහෙසක් දරනවාද? ඔබ හැම මොහොතක සිද්ද කරනුයේ පසිදුරන් පිනවමින් ජීවත්වන කාල පරාසය සතුටින් හෝ දුකින් නිම කර දැමීමට නොවේද? ඒ තුළින් අපි තව තවත් මේ සසර කතරේ ඇවිද යන්නට මාවතක් නිර්මාණය කර ගනු මිසක් විවර කරගත් මාවත් වැසීමක් සිදු නොකරයී.

සිදුහත් කුමාරයාට කොපමණ නම් වස්තු සම්භාරයක් මෙන්ම සැප සම්පත්තියක් වින්දනය කර මියැදෙන්නට ඉඩ ප්‍රස්ථාවක් තිබුණාද? එහෙත් උන්වහන්සේ සිදු කළේ කුමක්ද? මුලු මහත් ලෝක සත්වයාම මහලු වෙමින්, ජරාවට පත් වෙමින්, මැරෙමින් දිවි ගෙවන්නා වූ දිවියේ සැනසීමක් සොයා ගන්නට කෙතරම් වෙහෙසුනාද? ඒ වෙහෙසීම තුළින් කෙතරම් ජීවිත ප්‍රමාණයක් සැනසුනාද? එහෙත් සිදුහත් කුමාරයාද ස්වකීය සක්විති සැප සම්පත් තුළින් පසිදුරන් පිනවමින් දිවි ගෙවා මිය ගියා නම් අප මේ අසන එකදු යහපත් කරුණක් හෝ අසන්නට ලැබෙති දැයී ඔබගේ මනසින් ඔබම මොහොතක් සිත බලන්න. එසේ සිතා අපද මුලු මහත් විශ්වයෙම යථාර්තය අවබොධ කරලන්නට කටයුතු කරමු අද පටන්.

අදහම දහම ලත් තැන දුබලය




අදහම දහම ලත් තැන දුබලය                      අදය
දෙනයන යනෙන සැම තැනකම           සිත යැවිය
ලොවතුළ නියත අනියත දම              නොනවතිය
යන බව නොදැන පස් ඉදුරන්                 පිනවතිය

සත වෙත පතල ගුණයෙන් රන් කදක්             සම
ගුණ ඇති බොහෝ ආයුධයකි මිනිස්                කම
එනමුදු එදැන දැන දැනමත්                      මිනිස්දම
වනසා ලොවේ නොමගට යති මිනිස්               හැම


රාගය සිතේ ජනිතව පසිදුරන්                          අයා
යනවා දෑත දිගු කර ආදරෙයි                          කියා
සිතු ලෙස රාග සිතුවිල්ලේ සිරුර                    අයා
සතපනු නොහැකි තැන් ගැටුමකි නැණස        පියා

මනසට නැණස ගැලපෙන ලෙස                හැසිරීම
සිදුකළ විටදි ලැබගත හැක                       සැනසීම
ආලය ඇතිව නැණසක් නැති                     හැසිරීම
සිදුවන විටදි එතනදි ඇත                         වැනසීම

රාගය ඇති තැනදි මෝහයෙ                පැටලෙනවා
කළයුතු කිමද යායුතු මග               නොපෙනෙනවා
මාවත කිමද කවරෙකු හෝ                  පෙන්වනවා
එනමුදු එමග රාගයෙ ගිනි                    ඇතිරෙනවා

Monday, February 13, 2012

සැනසුම සොයන නිවැරදි මග සොයනු මැන.


සැනසුම සොයන නිවැරදි මග සොයනු    මැන
වැනසෙන දේ දුකයි නොතිරයී සිතනු      මැන
යහ මග ගියොත් නිවැරදි මග නැණින්      දැන
සැනසුම මිසක දුකදුලු නැත සියලු           තැන

සතුටක් සොයා නොමගට ඔබ යන්න      එපා
එවිටදි විපත ඔබ හමුවේ දිලෙති             සිපා
සන්සාරයේ ඇති දුකදුලු නැණින්           කපා
වනසනු පිණිස සැරසෙනු ඔබ මනස        දපා

ආදරයේ පහස සොයා රාගයේ ඇලලෙන්න      එපා
සන්සාරයේ ඇවිද ඇවිද දුකදුලු විදවන්න           එපා
නිවැරදි මග සොයන් මිසක් වැරදිම මග යන්න එපා
ඔබ හට ඔබ මිසක් තවෙකෙකු ඇත සිතනු        එපා

ඔබ හට පිහිට ඔබ හැර වෙන කෙනෙකු         නැත
ඒ ගැන සිතුම ඔබ හට අද කළ                      හැකිද
නොසිතුව නමුදු එය සැබැවකි මෙමනු             සිත
වෙනවා වෙනස් එනිසා එය සිතනු                    සත

ඔබ හට පිහිට ඔබ හැර ලොව වෙන               කවුද
යනුවෙන් සිතුම ඔබ හට අද කළ                 හැකිද
එලෙසින් සිතුවිල්ල ඔබ අද                 නොසිතුවද
ඔබමයි ඔබේ ලොව එලික්ල එකම                  සද

දුකදුලු රෑදුන විට සතුටක් සිතන                       අප
ඇයි ඒ දුකට හැතුව ගැන නොසිත                   සිප
විදවන සසරෙ ඉපදී නිති සසර                        කප
නැසුමට වෙහෙස ගමු අදවත් මෝහ                අප









ලෝකයේ ජිවත් වන්නා වූ අප සියලුම දෙනා

ලෝකයේ ජිවත් වන්නා වූ අප සියලුම දෙනා කැමති තමන්ගේ සිතින් උපදින සිතුවිලි ධාරාවන්ට අනුකූලව දිවි ගෙවන්නට මිසක් තවෙකෙකු යටතේ දිවි ගෙවන්නට නොවේ. එසේ නම් ඒ අයුරින් ජීවත් වෙන්නට වෙර දරන ඔබ ප්‍රතමයෙන්ම කළ යුතු කුමක්ද? ඔබට අනු ගමනය කරන්නට හැකි හා සමාජය විසින් හොදයී යහපතී යනුවෙන් සම්මත කරන ලද ප්‍රතිපදාවන් සමූහයක් අනුගමනය කිරීමයී. ජීවිතය මෙලොව නිමැවුනු මොහොතේ පටන් සිදු වන්නේ එකම ක්‍රියාවලියකි. එනම් කුමක්ද? ඉපදීම හා විනාශවීමම නොවේද? මේ අතර ගතවන කාලය මනුස්ස ලෝකය තුල ඉන්නවුන්ට මහා විශාල දින ගණනක් අයුරින් දිස්වෙන නිසා සියලුම දෙනා හිතාගෙන සිටිනුයේ අප කිසි දිනක නොමැරෙන්නවුන් අයුරිනි. ඒ නිසාම ලෝකය තුළ දිවි ගෙවන ලද බොහෝ පිරිසක් නිවැරදි මග තිබියදි වැරදි මගක් අනුගමනය කරමින් දුක්ඛිත අන්ත අසරණ ජීවිත ගත කරයී.

අප උපතින් මෙලොවට ගෙන පැමිණියේ ඇදිවත පමණි. අනතුරුව දෙමාපියන් විසින් අපව රක්ෂාකොට මේ ලෝකය තුල මේ කයේ පැවත්ම රදා පවත්වාගෙන ඉදිරියට යායුතු අයුරු එකිනෙක කියාදෙමින් මහා ශක්තිමත් සත්වයෙකු බවට පත් කරයී. අනතුරුව ඔවුනොවුන් එකිනෙකාගේ සිතැගි පරිදි සියල්ලම මැනවින් මෙන්ම නොමැනවින් ඉටු කර ගනී. එහි ඵලයද ඔවුනොවුන් විසින්ම විදවනු අපගේ නෙතු අභියස ගැටී ඇති වාර ගනන මෙපමනකැයී කිව නොහැක.

අප ඇත්තටම ආදරය කරන්නේ කාටද? සැබවින්ම මේ ලෝකයේ ඔබ ආදරය කරන්නේ ප්‍රථමයෙන්ම ඔබට බව ඔබගේ යටි සිත දනී. එහෙත් ඔබ රාගයෙන් හා මොහයෙන් අන්ද වී ඇති නිසා නොයෙකුත් බැදීම් ඇති කර ගනිමින් මේ ඇස, කණ, නාසය, දිව, ශරීරය නැමති පසිදුරන්ට ගොදුරුව මේ විශ්වය තුළ ඔබ විසින්ම නිමවා ගන්නා ලද වේදිකාවක් මත රග දක්වයී. ඒ රග දැක්වීමෙන් අනතුරුව ඔබ යම් මොහොතකට වෙහෙසකට පත් වෙයී. එහෙත් ඒ වෙහෙස සුලු මොහොතකින් පහවී ගිය පසු නැවත ඔබ සිදු කරමින් සිටි ක්‍රියාවම අනු ගමනය කරන්නට පෙලබෙයී. මොහොතක සිතා බලන්න අප මේ සියල්ලම සිදු කරන්නේ මේ ජීවිතය උපතේ පටන් මැරෙන මොහොත දක්වාම මේ විශ්වය තුල පවත්වාගෙන යාම සදහාම නොවේද? ඒ සදහාමයී නේද?එ හෙත් අපට මේ ලෝකය තුළ කිසිදු මොහොතක එකම අයුරින් නිදස් මෙන්ම නිවහල් මානසික ප්‍රතිපදාවක් තුළ ජීවත් විය නොහැක. ඒ මන්ද පඨවී, ආපෝ, තෙජෝ, වායෝ නැමති සතර මහා භූතයන්ගෙන නිමැවුනාවූ මේ සියලුම වස්තූන් මොහොතින් මොහොත වෙනස්වීමට භාජනය වන නිසාවෙනි.

සබ්බා දිසා අනුපරි ගම්ම චේතසා
නේවජ්ජගා පියතර මත්තනා ක්වචී
ඒවං පියෝ පුථු අත්තා පරෙසං
තස්මා න හිංසේ පරං අත්ත කාමෝතී

(ලෝකයේ සියලු දිශාවන්හී මැනවින් විමසා බැලුවත් තමන්ට වඩා ප්‍රිය වන කෙනෙකු සොයාගත නොහැක. එසේ හෙයින් තමන් කවරෙකුට හෝ ප්‍රිය කරන්නේ නම් ඔහු තමන්ට හිංසා පීඩා මෙන්ම අවැඩදායක දේ කරගැනීමෙන් වැළකෙයී. )


මේ අදහස සඵල වී ඇති බව අපට මේ විශවය දෙස බලන කල වටහා ගත හැකිය. අප සියලුම දෙනා හැම මොහොතකම මනා සිහිකල්පනාවෙන් ගත කළ යුතුයී. එසේ නොකරන්නේ නම් ඔබ ඔබගේම දිවිය වනසාලන සතුරෙකු අයුරින් නිමැවෙනු ඇත. එය වලකන්නට මෙ විශ්වයේ ඔබ හැර වෙන කවරෙකුවත් සමත් නොවේ.

ඔබ හැම මොහොතකම නොදැනීම නැමත් අදුරු ගුහාව තුළ දිවි ගෙවන විඤ්ඤානය නැමති මායාකාරයාට නතුවම කටයුතු කරනවාද යන වග මේ මොහොතේ පටන් විමසන්නේ නම් යෙහෙකී. ඉන් ඔබට සැනසීමක් ලද හැකිය.








Friday, February 10, 2012

ඔබ ගමන් ගන්නා මග

ඔබ ගමන් ගන්නා මග වලකන්නට බොහෝ අය පෙලගැසී ඇත. ඒ සියලුම දෙනා ඔබට අත හිත දෙන්නට කිසිදු මොහොතක පෙළ නොගැසෙනු ඇත. එහෙත් ඔබ යන මගට කෙලෙසක හෝ දඩු මුගුරු මෙන්ම ගල් මුල්ද ඇද දමන්නට පෙල ගැසෙනු ඇත. ඔබ ඒ තුලින් බිය වී පසු පසට නොයන්න. ඔබ පෙරටම යන්න වෙර දරන්න. අප සමාජයෙ වෙර දැරිය යුත්තේ මහත් වියතෙකු මෙන්ම උගතෙකු අයුරින් මිසක් එයට වඩා හාත් පසින්ම වෙනස් ස්වරූපයක් අනුගමනය කරමින් නම් නොවේ. ඔබ එයට වඩා වෙනස් ස්වරූපයක් අනු ගමනය කරන්නේ නම් ඒ අනුවණ කමින් යුතු මානසිකත්වයකි. එය කිසිවෙකුට උචිත නොවන්නකි.

Wednesday, February 08, 2012

ඔබ සතු නිවහල් මානසිකත්වය

ඔබ සතු නිවහල් මානසිකත්වය එකම අයුරකින් පිහිටුවා ගන්නට නොහැකි මන්දැයි ඔබ කිසිදු මොහොතක විමසන්නේද? නැහැ. ඔබ සතු මානස නිවැරදිව පිහිටුවා ගන්නට නොහැකි ඔබ සතු පසිදුරන්ට හසුවන අරමුණු හමුවේ ඒ අරමුණු සඵල කරලන්නටම මනස හා නැණස වෙහෙස වෙන නිසාවෙනි. ජීවිතයේ සෑම මොහොතකම ඔබව අසරණ මානසිකත්වයකට ඇද දමනුයේ කිසිදු මොහොතක තෘප්තිමත්භාවයේ අගකට පත් නොවන්නා වූ පසිදුරන්ම බව ඔබ මනසෙහි තැන්පත් කර තබා එයට අනුගතව කටයුතු කරන්න. එසේ නොවන්නේ නම ඔබ සිතන පතන අයුරින් කිසිදු කටයුත්තක් සිදු නොවන්නේ නම් ඔබේ මානස හා සිරුර වෙහෙසට පත්වීමම පමනක් සිදුවෙයි. මෙය ලෝකයෙ සැබෑ ස්වභාවයයී. පඨවී, ආපෝ, තේජෝ, වායෝ නැමති සතර මහ භූතයන්ගේ සංයුතියෙන් නිමැවුනාවූ සියලුම වස්තූන් අප සිතන පතන අයුරින් පවත්වාගෙන යන්නට නොහැකි බව අප නිතර නිතර සිතිය යුතුවාසේම ඒ ගැන මෙනෙහි කරන්නටද වෙර දැරිය යුතුවම ඇත. එසේ නොකරනතාක් කල් ඔබ මහා උමතු පුද්ගලයෙකු අයුරින්ම හැසිරෙනු ඇත. ඒ උමතු බව මග හරවන්නට ඔබ අද පටන් වෙහෙස වන්නේ නම් මැනවි. එය ඔබගෙ යහපත පිණිස මෙන්ම සාර්තකත්වයට මනා පිටු වහලක්ම වනු ඇත.

අපෙ ශරීරයටද මෙය මේ අයුරින්ම සිදුවන බව වටහාගන්නට

අපෙ ශරීරයටද මෙය මේ අයුරින්ම සිදුවන බව වටහා ගන්නට ඔබ මෙපමන අකැමැති මන්ද? මේ පසිදුරන් පිනවීමට තිබෙන ආශාව නිසාම නේද? එහෙත් මේ පසිදුරන් පිනවීමෙනෙ කෙදිනක හෝ සැනසීමක් ලද පුද්ගලයෙකු මේ ලෝකය තුළ සිටිනවද? නැහැ. එයින් කිසිදු මොහොතක මෙතනින් නිමැවිය යුතුයි යන සැනසීමේ අවසානයක් දැකීමට නොහැකිය. මේ නොදැනෙන කාරණය අපගේ මනසට වටහා දෙන්නට නිතරම වෙර දරන්න. එය ඔබගේ මුලු මත් දිවියම ආලෝකමත් වන පහන් සිලුවක්ම වනු ඇත. ඔබ ජීවත්වන්නේ අවුරුදු 120 නම් දින 43800කී. එහෙත් ඔබ ජීවත් වන්නේ අවුරුදු 60ක් හෝ 70ක් පමණි. එසේ නම් ජීවත් වන්නේ දින 22000ක් පමණ සුලු කාලයක් නොවේද? එහෙත් ඒ ජීවත් වෙන කාලය ඔබ වැය කරන්නට ඔබේ මනස හා නැණස වෙහෙසවන්නේ නිවැරදිවද? වැරදිද යන කාරනය පිලිබදව නැවත නැවතත් සිතන්නට සුදුසු කාලයයි මේ.

ජීවිතය ගැටගසන්නට ....

ජීවිතය ගැටගසන්නට මෙ දරුවා කෙතරම් වෙහෙසක් දරනවද කියල ඔබ මොහොතක් සිතින් හා නැණසින් සිතන්න. එසේම මේ දරුවට ඇති කායික හා මානසික දුබලතාවක් අප සතුව තිබෙනවාද? එහෙත් අප මේ අයුරින් කටයුතු සිදු කරන්නට වෙර දරනවාද? නැහැ නේද? ඒ මන්ද? අපට ඉගෙනීම පිළිබදව කිසිදු උවමනාවක් නොමැත. ඔබටමුදල හදල් නොමැතිකම මත ඔබ වැරදි මන්පෙත් අනුගමනය කරන්නට පෙලබෙන වාර ගනන අපමණය. එහෙත් ඉන් අවසානයෙ ලබන ප්‍රතිඵලය දුක්ඛිතය. එය ඔබට ප්‍රතමයෙන් වැටහුනා නම් ඔබ වරදට නොපෙලබෙනු ඇත. එහෙත් ඔබට අත් වී ඇති ඉරණම යැයී ඔබ සිතනතාක් නිවැරදි මන්පෙතක් දකින්නට නොහැකි වනු ඇත. ඔබ යම් කටයුත්තක්  අරඹන්නට මුල පුරන මොහොතේම විමසන්නේ එය සිදු කරන්නට හැකි ලෙහෙසිම මග කුමක්ද යනුවෙනි. එහෙත් අප නිතරම සෙවිය යුත්තේ යමක් කරන්නට හැකි ලෙහෙසි මග නොවේ අපහසු මගමය. එවිට අප ඉදිරියට එන සෑම ගැටලුවකටම පිලිතුරු සැපයිය හැකිය.

සුන්දර අයුරින් ගෙවන්නට තිබෙන ජීවන මන්පෙත තුළ

සුන්දර අයුරින් ගෙවන්නට තිබෙන ජීවන මන්පෙත තුළ අසුන්දර වූ මහත් විඩාබරව ඇවිද යන්නට සිදුවන මන්පෙත්ද මුන ගැසෙනු ඇත.ඒ මන්පෙත් ඔබෙ මුව අබියස හිදිමින් ඔබව ඒ මාර්ගය තුළ ඇවිදවන්නට කිසිදු උත්සාහයක් ඔබසතු මනස තුළ කිසිදු මොහොතක ඇති කරනවාද?නැහැ එය කිසිදු මොහොතක කිසිදු අයුරින් සිදු නොකරන්නක් සේම සිදු නොවන්නක් බව අප මැනවින් සිතිය යුතුයී.එසේම අපට යන්නට දිගු ගමනක් ඇති බව සිතා කෙතරම් දුස්කර මාර්ගයක් තුල උවත් පෙරට නොසැලී යන්නට වෙර දරන්නේ නම් එහි අවසානයේදී මනා සැනසීමක් ලද හැකිය.

ජීවිතය සුන්දරයී මලක් මෙන් සුපිපෙන විට.එහෙත් ඒ මල සුපිපෙන්නට අවැසි සුදුසු පාරිසරික වටපිටාවක් තිබිය යුතුය.එසේ නොමැති නම් කිසිදු මලක් හෝ පැලයක් කිසිදු ස්තානයක් මැනවින් රෝපනය නොවනු ඇත.ලෝකයේ සාර්තකත්වයට පැමින ඇති බොහෝ පිරිසක් ඔවුන්ගේ සාර්තකත්වයට හේතුව විමසන කල්හි එකහෙලාම ප්‍රකාශ කරන්නේ කුමක්ද?මම මට යායුතු යැයී අරමුණු කළ ස්තානයට එළ්බෙනතුරු නිවැරදිව මා සතු මනස හා නැණස මෙහෙයවීමී.ඒ තුළින් මා මාගේ සාර්තකත්වයට් පැමිණියෙමි.ලෝකය වටකුරු වුවත් ඒ ලෝකය තුළ දිවි ගෙවන්නා වූ බොහෝ පිරිසක් උඩු කුරු වන්නටම වෙර දරා එහි සාර්තකත්වය දැක ඇත්තෙ නොසැලෙන අදිස්ටානයෙන් යුතුව නැණස දියුණු කරන්නට වෙර දරන්න.එවිට ඔබ සිතන පතන සියල්ලම මැනවින සඵල වනු ඇත.

Tuesday, February 07, 2012

මොහොතක් සිතන්න....

ඔබ සතුව ඇත්තේ උපතේ පටන් මේ පංචස්කන්දය පමනී. එය ඊට වඩා වැදගත් වස්තුවක් අයුරින් ලෙල දෙන්නට නම් ඔබගෙ මනස හා නැණස මැනවින් රෝපනය කළ පුද්ගලයෙකු අයුරින් නිමැවෙන්නට වෙර දරන්න. ඔබ උපදින මොහොතේ ලබා ගත් ශාරීරික අවයව වලට වඩා දැනුමක් ඔබ මේ මොහොත වෙනකොට ලබා ඇත්නම් ඒ ඔබගෙ උත්සාහය මතයී. එසේ නම් ඔබ නැවත නැවතත් ඔබෙ සිතින් සිතන පතන සියල්ලම ලැබ ගන්නට වෙරදරන්න. යමක් කරන්න ප්ලෑන් කරන්න. එය ඒ අයුරින්ම සිදු කරමි යැයි සිතන්න. ඒ තුලින් ඔබෙ සියලුම බලාපොරොත්තු සපල කරගත හැකිම වනු ඇත. ලෝකයේ දිවි ගෙවන්නාවූ අප සියල්ලෝම එන විට ගෙනා දෙයක් නැත. ඇත්තේ මේ ලෝකයට පැමින සිදුකර ගත් දේම පමණි. එය ඔබේ මනසින් හා නැණසින් සිතා කටයුතු කරන්නට මේ සුදුසු කාලයයී. අප මේ පරිහරනය කරන සියලුම බඩුබාහිරාදිය තෙවෙකෙකු විසින් ඔහුගේ මනසින් හා නැණසින් ක්‍රියාත්මක වීමතුලින් සිදු කරන ලදි. එසේ නම් ඒ සියල්ලම මුල් කරගෙන අපට අපගෙ දිවිය සාර්ථකව නිමවාගන්නට නොහැකිද?මේ ගැන මොහොතක් සිතා කටයුතු කරන්න.

Monday, February 06, 2012

තමන්ගේ විමුක්තිය පසක්කර....

දැන උගත් බුද්ධිමත් පඬිවරයකු යෑයි නම් පට බැඳ ගන්නට පළමුව තමන් විමසා බැලිය යුත්තේ තමන් සතුව එම ගුණ දම් තිබේදැයි යන වගය. එසේම අප සෑම කෙනකුම ලබන ලද ඉගෙනුම තුළින් හෝ ඉඩකඩම් මුදල් හදල් තුළින් හෝ ලැබිය හැකි විමුක්‌තිය තාවකාලික වන බව ලොව්තුරා බුදුරජාණන් වහන්සේ මීට වසර දෙදහස්‌ පන්සියයකට ඈත ඉතිහාසයේ දී දේශනා කොට ඇත. උන් වහන්සේ නොමඟ ගිය සියලු සත්වයින් යහ මඟට ගැනීමේ පරමාර්ථයෙන් දේශනා කෙරුණු කාරණා සියල්ල සර්වකාලීනය. එතෙකුදු වුවත් මුදල් පසුපස හඹා යන සමාජයක්‌ ඇතිවීම හේතුවෙන් අද දිවිගෙවන මිනිසුන් කරන්නේ කුමක්‌ද? කළ යුත්තේ කුමක්‌ද? යන කරුණු කාරණා දැන දැනත් නොදන්න පුද්ගලයන් ලෙස දිවි ගෙවන්නේ අන්ත අසරණ දුක්‌ත ස්‌වභාවයෙනි

 බුදුන් වහන්සේ "අලගද්දුපම" සූත්‍රයෙන් දේශනා කරන ලද්දේ සර්පයාගේ වලිගයෙන් ඇල්ලු පසු දෂ්ඨ කරන බව දැන දැනත් එයම කරන්නේද යනුවෙනුයි. එහෙත් එය දැන දැනත් එසේ කරන මිනිසුන් අප සමාජ තලය මත දිවි ගෙවන්නේ සැපයෙන් ද යන කරුණු කාරණා අප අපම විමසා බැලිය යුතුය. බුදුන් වහන්සේ සර්පයෙකු උපමා කොට ගෙන එසේ දේශනා කරන ලද්දේ තමන් කරන ලද කාර්යය පවක්‌ බව දැන දැනත් එසේ නොකරන ලෙසයි.එසේ කළහොත් සිදුවන විපත ද ඉහත උපමාවෙන් මැනවින් දත යුතුය. කෙසේ වෙතත්
 

අප සෑම කෙනෙකුම දිවිගෙවන සමාජ තලය මඩ වගුරක්‌ හා සමානය. එය පොදු ධර්මතාවකි. එයට නිදසුනක්‌ ලෙස නෙළුම් මලක්‌ දෙස බලමු. ඉඳිබුවන්, දියබරියන්, කුඩමස්‌සන් දිවි ගෙවන අපිරිසිදු ජලයේ පතුලේ හැදී වැඩී බුදු පුදට ගැනීම සඳහා සියලු සත්වයන්ගේ නෙත් සිත් පිනවමින් නෙළුම සුපිපෙයි. එහි කිසිදු අවලක්‍ෂණයක්‌ හෝ දුඟඳක්‌ නොමැත. මඩෙහි සුපිපුනත් එය එලෙසමය. බුදුරජාණන් වහන්සේ ද තමන් උපත ලද්දේ කුමක්‌ නිසාද? යන කාරණය නොදැන සිටින පුහුදුන් මිනිසුන් දිවි ගෙවන සමාජයක කුඩා ළදරුවෙකු ලෙස උපත ලදී. කුඩා කාලයේ සිදු කළ යුතු සියලුම කෙලි කවටකම් හා ගිහි ජීවිතයේ විඳිය යුතු සියලුම සැප සම්පත් ද විඳ දරා ඒ සියල්ල ගැන කලකිරීමෙන් සියලු සැප හැර දමා සැබෑ සත්‍ය කුමක්‌දැයි සොයා ගොස්‌ සැබෑ සත්‍ය හෙවත් නියත විමුක්‌ති මාර්ගය සොයාගෙන ලෝකයේ දිවිගෙවන සෑම සත්වයෙකුටම අවබෝධ කළේ කුමක්‌ නිසාද? දේපළ සැප සම්පත් බලාපොරොත්තුවෙන් ද? පුද පූජා සැළකිලි සත්කාර ගරු බුහුමන් බලාපොරොත්තුවෙන් ද? නැත. සියළුම සත්වයන් සැනසීමේ මාර්ගය කුමක්‌දැයි සොයමින් දුක්‌තව අසරණව වැළපුනු නිසාය. එසේ නම් මේ ලෝකයේ දිවි ගෙවන මනසින් උසස්‌ මිනිසුන්ට එලෙස කිරීමට නොහැකි මන්ද? එය අපගෙන්ම විමසිය යුතු පැනයක්‌ ව පවතී. අප සැපය කියා විඳින්නේ කුමක්‌ ද? මේ සියල්ල අවබෝධ කරගැන්මට සෑම දෙනෙකුම කුඩා කල සිට මනා පුහුණුවක්‌ ලැබිය යුතුව ඇත. ගලායන දිය දහර හරස්‌ කොට කෙත්වතු සරු සාර කරන්නට හෝ තම තමන්ගේ නොයෙකුත් අභිමතාර්ථයන් ඉටු කරගන්නට උත්සාහ කරන්නේ යම්සේද තමන් විසින් ලබාගත් මේ ජීවිතය ද නිසි පරිදි ජීවත් කළ යුතුව ඇත්තේ තමන්ගේ මෙන්ම අනුන්ගේ ද විමුක්‌තිය සලසා දීමේ පරමාර්ථයෙනි. තමන් සිහින මාළිගා තනන්නකු වන්නේ නම් එම සිහින මාලිගා බිඳ දමන්නෙකු නොවී තමන් විසින් මවන ලද සිහින මාළිගා ගොඩනඟන්නකු විය යුතුය.

මෙලොව දිවි ගෙවන සෑම පුද්ගලයෙකුම තමන්ට ආවේණික වූ සැප සම්පත් විඳින පුද්ගලයින් ය. එසේම එම සැප සම්පත් ඔවුන් විසින්ම උදා කරගන්නා ලද්දේය. සෑම පුද්ලයෙකුගේ ම උත්සාහය මත ලබන ලද සැප සම්පත් වලින් ඔවුනොවුන් විමුක්‌තිය පසක්‌ කරගනු ඇත. ලොව්තුරා බුද්ධ රාජ්‍යයට පත්වූයේ ද මනුෂ්‍යයෙකුව උපත ලබා එම තත්වයට පත්වන්නට නොහැකිය යන සිතිවිල්ලේ නොසිට මම බුදු වෙමියි යන පරමාර්ථයෙන් සෑම කාර්යයක්‌ ම නොපිරිහෙලා ඉටුකරගන්නට උත්සාහ දැරූ නිසාය. එය අපගේ අනාගතයට පියනගන්නට මනා පිටුවහලක්‌ වනු ඇත. ජීවිතයේ සෑම බාධකයක්‌ම ජයගත යුතු එකම කෙනා තමන්ම පමණි යන සිතුවිල්ල සැම දෙනා තුළ තිබිය යුතුය. එයට එකම හේතුව වනුයේ තමා වෙත එන සැම දුකක්‌ කඳුලක්‌ ම පිසදාගත යුත්තේ තමන්ගේ ම දෑතින් වන නිසාය. තමන් වෙත පැමිණෙන සෑම ගැටළුවකටම මුහුණ දීමට නම් සෑම පුද්ගලයෙකුම කාල රාමුවකට අනුව කුඩා කල පටන් ම කාර්යයන් හි නියෑලිය යුතුය.

මා පිය පහස යට දිවිගෙවන කාලපරාසය තුළදී වුවත් තම ඉගෙනීමේ කාලපරාසය තුළදී වුවත් තම නිදහස ලබාගැනීමටත් අනාගතයේ තමන් සාමජයේ පිළිගත් පුද්ගලයෙකුවනවාය යන පරමාර්ථයෙන් තමන් කරන ක්‍රියාදාමයන් සියල්ල පිලිවෙලකට නොපිරිහෙලා ඉටුකිරීමෙන් තම පරමාර්ථයන් මුදුන් පමුණුවාගත හැකිය. ආදරණීය දෙමඟපියනි, දූ දරුවනි, ඔබ එවැනි තත්ත්වයකට පත්විය යුතු ද නැත. ඔබට සිතා බලා කටයුතු කළ හැකි විමසුම් ශක්‌තියක්‌ තිබේ.ඔබට කථා බහ කරන්නට නොහැකි වුවත් යමක්‌ කමක්‌ තේරුම් ගන්නට හැකියාවක්‌ ඇත්නම් ඉගෙනීම තුළ මැනවින් නියෑලෙන්න. ඔබේ එක්‌ අංගයක්‌ විකල වූ පමණින් එය මුල්කරගෙන ඔබේ මුළු ජීවිතයම අංග විකල දිවියක්‌ කරගන්නට උත්සාහ නොගන්න.
 

එහෙත් අද සාමාජයීය පරිසරය තුළ බොහෝ දූ දරුවන් සේම දෙමාපියන් ද හුරු පුරුදු වී සිටින්නේ තම දුවට හෝ පුතාට කතා කරන්නට නොහැකි නම් පාසල් නොයවා නිවස තුළම රඳවාගෙන ඔහුගේ සියලු කටයුතු දෙමාපියන් ම සිදුකිරීමටයි. එහෙත් දෙමාපියන් නොමැති කාලයක අර දරුවාට යන කල කුමක්‌දැයි විමසා බැලුවේ නම් ඒ දරුවාට කරන ලොකුම හතුරුකමක්‌ යෑයි දෙමාපියන්ට පසක්‌වනු ඇත. මේ කරුණු තුළින් අපට මැනවින් පසක්‌ කරගත හැකි මෙන්ම වටහා ගත යුතු කරුණු කාරණා රාශියකි. ඒ මොනවාදැයි සොයා බැලුවහොත්,


යම් කෙනෙකු උත්පත්තියෙන් ම රූප සම්පත්තිය අහිමි අංග විකල පුද්ගලයෙකු යෑයි ප්‍රසිද්ධ වුවත් ඒ තැනැත්තාගේ උත්සාහය මත බොහෝ ලෙස හික්‌මීමෙන් යුතුව ඉගෙනීමේ ක්‍රියාවලියේ යෙදී සමාජයේ උසස්‌ ස්‌ථානයකට පත්වුවහොත් එසේම ඒ තැනැත්තා සමාජයේ ජීවත්වන බොහෝ දෙනෙකුට තමන් ලබාගත් දැනුම උපයෝගී කොට ගෙන අධ්‍යාපනයක්‌ ලබාදෙන්නේ නම් ඔහු සමාජයේ පිළිගත් තැනැත්තෙකු බවට නිරායාසයෙන් ම පත්වනු ඇත. ඒ අවස්‌ථාවට ඔහුගේ රූප සම්පත්තියේ අඩු ලූහුඬුකම් බාධාවක්‌ නොවනු ඇත.

කුඩා කල පවුල තුළ අම්මේ තාත්තේ හෝ අම්මේ අප්පච්චී යෑයි හඬගා කියන්නට හෝ සිනාසෙන්නට නොහැකි දරුවකුව මුණින් අතට පෙරලමින් යහනේ සිටින විට අපගේ මාපිය දෙපලවත් වෙනත් කිසිවකුවත් සමහර අවස්‌ථා තුළදී කිසිදු ගණන් ගැනීමකට නොගනී. එහෙත් අප උස්‌ මහත්ව යම් යම් සුරතල් වදන් තෙපලන විට බොහෝ උදවිය අප හා ගැටෙන්නටත් කථා බහ කරන්නටත් උත්සාහ දරති. එහෙත් ඔබ කිසිත් කරකියාගන්නට නොහැකි කුඩා කල ලෙඩකු ලෙස හෝ ගොළුවකු ලෙස කිසිත් ඇසෙන්නේ නැති බිහිරෙකු ලෙස දිවිගෙවන ලද්දේ නම් ඔබට එවිට සමාජයේ දිවිගෙවන සෑම කෙනෙකුම නොසලකනු ඇත. එමෙන්ම ඔබට සමාජයේ කිසිදු තත්වයකට පත්වන්නට නොහැකි පුද්ගලයෙකු යෑයි නමක්‌ ද තබනු ඇත.

විද්‍යාව යනු රුවනැති මනුෂ්‍යයාට අධික වූ රූපයකි. එසේම කිසිම දිනක නොනැසී පවතින වස්‌තුවකි. බොහෝ වස්‌තු උදා කරන මිතුරෙකි. එපමණක්‌ ද නොව කීර්තිය යසස්‌ හා සැප සම්පත් ඇති කරන සහායකයෙකි. ගුරුවරුන්ට ගුරුකෙනෙකි. නොදන්නා රටකට යැමේදී නෑදෑයෙකි. උතුම් දෙවි කෙනෙකි. මේ සියල්ලටම සමාන ලෙස රටේ රජවරුන්ගෙන් පවා වැඳුම් පිදුම් ලද හැකි නිසි වස්‌තුවකි. එසේ වුවත් විද්‍යාව හෙවත් ඉගෙනීම නොමැති තැනැත්තා තිරිසනෙක්‌ හා සමානය.
 

ජීවිතය යනු ගලායන දිය දහරකි. ඒ ගලායන දිය දහරට බොහෝ බාධක කම්කටොලුවලට මුහුණ පාන්නට සිදුවනු ඇත. එතකුදු වුවත් ඒ ගලා යන දිය දහර අතරමග නතරවන්නේදැයි අප අපගෙන්ම විමසිය යුතුය. ඒ මන්දයත් අප හමුවට එන බාධක කම්කටොළු හමුවේ සිතින් අප දුක්‌ මුසුව හඬා වැලපෙන නිසාය. ගලා යන දිය දහර හරස්‌ කර මහා පවුරක්‌ බැන්දත් ඒ ගලා යන දිය පහර ගලාගෙන ආ වේගයෙන්ම එම පවුර බිඳිමින් හෝ යා යුතු මඟ ගමන් කරයි. නමුත් දිය පහර එසේ ගමන් කරන්නේ කවරෙකුට විමුක්‌තියක්‌ සැළසීම සඳහා ද? ගලායන දියපහරට පරමාර්ථයක්‌ ඇත. එනම් දිය පහර පවතින පරිසරය ස්‌වයංපෝෂණය කරමින් එම තත්ත්වය නොවෙනස්‌ ව පවත්වා ගැනීමයි. නමුත් ගලායන දිය පහර අපට අවශ්‍ය තැනකට ද හරවා තම තමන්ට අවශ්‍ය කටයුතු කළ හැක. එය කරන්නට නම් හොඳින් සිතා මතා විමසා කටයුතු කළ හැකි ප්‍රඥාවක්‌ තිබිය යුතුය.

එසේ නොවන්නට ගලායන දිය දහරින් ගඟක්‌ මෙන් හෝ ඇලක්‌ මෙන් හෝ ඔයක්‌ මෙන් මහා ගල් මුල් හෙල් අතර වැදෙමින් කොතරම් දුරක්‌ අලංකාරයෙන් ගලා ගියත් එයින් ඇති ඵලක්‌ නැත. එලෙසමය ජීවිතය, මෙඅප සැමදෙන දිවියේ හැම මොහොතකම වෙහෙසවෙන්නේ ඉපදුනු නිසා ජීවත්වීමටත් ජීවත්වන නිසා අඳින්න පළඳින්නටත් උත්සාහ කරන සමාජයක්‌ තුළයි. ඒ නිසාම මේ සමාජය තුළ නැණසින් මෙන්ම මනසින් ද වෙහෙසී කටයුතු කළ යුතුය. ඒ උත්සාහය කළ යුතු කාලය අද, හෙට, අනිද්දා කියා නොසිතන්නට මේ දැනුම අප සෑම කෙනෙකුගේම දිවිගමන යහපත් කරන්නට යෙදවිය යුතුය. ජීවිතය යනු කුමක්‌දැයි මෙයින් මැනවින් දත යුතුයි. තම තමන් විසින් ඉතාම වෙහෙස වී ලද ජීවිතය ජීවත් කරවන්නේ කෙසේද? එය ජීවත් කරවීම තුළින් ලබන විමුක්‌තිය කුමක්‌ද? යනාදී කරුණු කාරණා මැනවින් නැණසින් අවබෝධ කරගත යුතුයි. 

සැපයක්‌ යයි හඬගා කියමින් අනුන්ගේ ගුණදොස්‌ මෙන්ම අනුන් කළ නොකළ දේ ගැන සොයමින් දිවි ගෙවන්නට උත්සාහ දරන නිසා ඒ ඒ මිනිසුන්ගේ නෙත් තුළ සෑම දිනයකම කඳුළු රඳමින් දිවි ගෙවන්නට සිදුවී ඇත.  එයට හේතු වී ඇත්තේ තාවකාලික සැපයක්‌ සොයමින් සිටියත් ඒ අඩුලූහුඬුකම් සකස්‌ නො කරගන්නා නිසාවෙනි. ඔවුන් එසේ දුක්‌ත ජීවිත ගත කරන්නට හේතුවනුයේ ඉගෙනීම නැමති අමා දිය දහෙඳු නොපීනූ නිසා බව මැනවින් වටහා ගත හැකිය. එය කෙසේ ද යත්? මැනවින් උගත්තෙක්‌ අනුන්ගේ වැරදි මෙන්ම ගුණදොස්‌ සොයන්නට නොපෙලඹෙයි. ඒ එය සෙවීමෙන් තමන්ට හෝ අනුන්ට යහපතක්‌ නොවන බව වටහා ගන්නට හැකිවූ නිසාය. මේ ලෝකයේ දිවි ගෙවන ලද සෑම මනුෂ්‍යයෙකුම කළ යුතු එකම කාඳුයය වන්නේ පළමුවෙන් තමාගේ විමුක්‌තිය ළඟාකර ගැනීමයි. එම විමුක්‌තිය කුඩා කාලයේ තමන්ගේ මාපිය දෙපලගේ පහස ලබමින් අම්මේ, තාත්තේ, අක්‌කේ අයියේ යනාදී නම් ගොත් තෙපලන්නට හුරු වන්නේ යම්සේ ද එතැන් පටන් තරුණවියට පාතබන මොහොත දක්‌වාම එම කාල පරාසය තුළදී කළ යුතු ඉගෙනීම් කටයුතු මැනවින් සිදු කළ යුතුය. එම ඉගෙනීම් කළ යුතු මෙන්ම තමාගේ අනාගත අභිවෘද්ධිය පසක්‌ කරගැනීමට උපයෝගී වන සෑම කටයුත්තකම නියෑලිය යුතුය.