Wednesday, December 30, 2015

ආවත් පෙරට බාධක නෙකිනෙකම ගලා

ජී
විතය දිනවන්නට මිසක් පරදවන්නට නිතරම කටයුතු කරන්නට නොයා යුතුයි. ඒ මන්දයත්? ගගක්මුදු පෙරට ගලන විට ඒ ගග ගලන මග වලකන්නටත් වෙනත් දෙසකට හරවන්නටත් බොහෝ අවස්ථාවන් නැමැවෙනු ඇත. එහෙත් ඒ ජලකද ඒ හැම අවස්ථාවකටම මුහුණදී පසුව ස්වකීය අරමුණ කරා එළඹෙනු ඇත. ඒ ස්වකීය ශක්ති කදම්බයේ පිටුවහල මතය. එලෙසමය අප හැම කෙනෙකුගේම ජීවිත වලට මේ අද දිනයෙන් අවසන් වන අවුරුද්දේ මග හැරුනු අතපසුවූ සියල්ලම මැනවින් සකසාගෙන පෙරට යන්නට කටයුතු කරනු මිසක් ඒ සියලූම ලතවීම් ගැන තැවි තැවී දැවි දැවී ඉන්නට යන්නේ නම් තමන්ගේ අනාගත විමුක්තිය උදා නොවනු ඇත. 

ආවත් පෙරට බාධක නෙකිනෙකම ගලා
මාවත් දිගේ යනවා ගග පෙරට ගලා
නාවත් කවුරුමුත් ගග දෙස නිතර බලා
ගලනා ගගේ දියරැුලි ඇත සිනා වෙලා

යන්නට එපා පැරදී සිත් කදුලූ සලා
ඉන්නට එපා දිවියේ නිති කලකිරිලා
බොන්නට එපා මත්වන දේ සැප හිතලා
වන්නට එපා නිවටුන් හැගුමන් පතලා

ලබනා වසර සැමටම සැප ගෙනදේවා
සිතනා සිතුම් පැතුමන් හැම පලදේවා
යනෙනා ගමන් හැමදේ නිති සරුවේවා
ලබනා වසර යහපත් වසරක් වේවා

Sunday, August 09, 2015

සිරිලක සුසිරි දම් පෙළපත අහිමි වෙලා




සිරිලක සුසිරි දම් පෙළපත අහිමි වෙලා
පිටපත් රචනයක් පමණක් ඉතුරු වෙලා
නැහැදුනු නුගුණ දුගුණයකින් වියරු වෙලා
අම්මත් පියත් නොහදුනවුන් ජනිත වෙලා

පෙරකල කොසොල් රජු අලූයම දකින ලද
සිහිනය මෙකල සිරිලක්දිව මවන ලද
දරුවන් මරුවො විලසින් මෙහි උපත ලද
විරුවන් විලස මව්පිය පන නසති අද

සිත තුළ බදින ආශා බැමි මතම හිද
ගත තුළ රුහිරු දියකළ මව් දෙපිය අද
සිහිකර නොයිද මව්පියො විදි දුගිනි කද
දෙඅතින් ඔබේ මව්පිය ගෙල සිදිනවද

සුසිරිත් දහම් පෙලපතකින් පැවත ආ සිරිලක් මවුන් තුළ රාගයෙන් පීඩිතව මොහයෙන් ලතෙත්වූ කුලූණු සිත් මියැදෙමින් සොදුරු සිත් සියල්ලම අදුරු කරමින් ආශාව නැමති සරාගී මරුවගේ සිතගටම වශී වී පුංචි මල් කැකුලූවන් දරුවන්ද වනසමින් ගෙවෙන මේ නිමේෂයෙ දෙමාපියො අසරණය.


ඉපදුනෙ පුතේ අප මව්පිය දෙදෙන නිසා
නොකැඩුනෙ දෑත දෙපයද අප හැදුව නිසා
මනසට නැණස එකලෙස යා කරපු නිසා
මිනිසුන් විලස හැසිරෙති අප දුකම නසා

කදුලැලි කැටය නෙතුයුග මත තබාගෙන
කිරිකැටි දරුවො ලයතුරුලේ හොවාගෙන
දෙතනය මුවට තබමින් මුව වසාගෙන
මතකද පොවපු කිරිබිදු රස වඩාගෙන

නාඩන් පුතුනෙ නාඩන් මගෙ සුදු පුතුනේ
අතගා සිරස සිඹ දෙතනය මුව හොවනේ
සරදම් නොකර නෙතුයුග කදුලැලි පිසිනේ
අම්මේ ඔබයි සැනසුවෙ කියමින් පුතුනේ

නිකටය සොලොවමින් නලලත සිඹින විට
මැදගිලි දඹරගිලි යාකොට සිරිස පිට
පිරිමැද සෙමින් බුදු සරණයි කියා මට
මතකයි අසිරි පැතුවා මගෙ මව්නි මට

දස මසක් කුස දරා දරුනු දුක් විද දරා දරුවන්ව බිහි කරා ගතේ ලේ කිරි කරා පොවති පුතු අත දරා එහෙත් ඒ දෙමාපිය දෙපල අද අසරණය. මගෙ පුතු බුදු වෙයන් හිස මුදුන සෙනෙහසින් අතගගා කුලූණැසින් පැතුව ආසිරි පැතුම මතක නැත දරු කැලට

මව් ගුණ විලස පිය ගුණයද සිතට ගෙන
ඇයි ලෝසතුනි නොකියන්නේ පියෙකු ගුණ
සව්ලෝ සතට උපදින්නට පිහිට වුන
අව්වේ ඔබයි වෙහෙසුනෙ ලොව මහගු මිණ

දාබිදු රුහිරු නෙක පොලොවට ගලනකොට
සාගිනි අසල කුස පියවර ගැටෙනකොට
ඉවසුවෙ පියේ දරු නෙත්යුග ගැටෙනකොට
මතකයෙ තියේ නුඹ විදි දුක් හොදට මට

දාහය රුහිරු විලසින් ගතගලායන
මානය දුරැුර දරු සෙනෙහස දරාගෙන
ජීවය විලස දරු පේමය තියාගෙන
මපියෙ ඔබයි සව්ලෝසත් මහගු මිණ

ජීවිත සරසවියෙ මතකය අවදි කල
පාවෙන සිතට අරුණැල්ලක් ජනිත කල
අම්මත් සමග එකතුව ඔබ දෙපල කල
රූසිරි මැවූ මහ බඹු ඔබ මෙලොව තුළ

සාගිනිද කුස දරා අව් වැසිද සුලන් රොද ගැටුනමුද පියෙකු ගත දරුවො කුස වේදනා නසන්නට වෙහෙසුනා. ජීවතේ සදාකල් දරුවො වෙත කැප කලා මවුන් හා එකතුවී ලොවේ රුව මැවූ දා මහබඹුන් නාමයෙන් ඔබව ලොව නම් කලා.


මාවත කියාලන ජීවිත සරු කරන
නොනැසෙන හිරුය ඔබ තිලොවග එලිකරන
හාවෙන සිරුර දරු කැලවෙත දියකරන
ජීවය ඔබයි මපියෙ ඔබ හිරු කිරන


ලේ කිරිකරන සෙනෙහස් ගග සිදුනමුද
ආහර සොයා ගැනැවිත් මගෙ උකුල මැද
කන්නකො පුතේ නුඔ සතුටින් සිටිනවද
ඇසු මගෙ පියෙ ඔබෙ ගුණ කද ගයමි අද

රසකිරි දෙතන මැද ඔබගේ නොවුනු නිසා
රසකර අහර ගෙනැවිත් කුසගිනිද නසා
මගෙ සුදු පුතේ මව් නැති දුක් කදුලූ නසා
කියමින් සිතට සැනසුම දුනි පියෙකු නිසා

සසරට බැදුනු සෙනෙහස් ගග වියලූමට
යන්නට නොදී පුතු තදකර සිය ලයට
ස්නේය අදර ආදර්ශය මුලූ ලොවට
පෙන්නූ පියේ ඔබමයි ලොව දිනිදු මට

දරුවො සිත් සනසමින් යහමගම පෙන්වමින් ජීවිතේ සදා කල් දරුවො වෙත කැප කලා. ජීවිතේ සරසවියේ පලමුවෙන් අකුරු කළ පියේ ඔබ හිරුය මට. සාගිනිද කුස දරා දරුවො වෙත සෙනෙහසින් ලේබිදුද දිය කරා. ලය තුරුලෙ සතපමින් දරුවො හට සෙනෙහසින් නැලෙව්වේ ඔබ පියේ.

පෙරදින මව්ට හා පියෙකුට මෙසිරිලක
නොවදින කෙනෙක් සොයලා වන වෙහෙස දැක
අම්මත් පියත් දුන් ඔවදන් හදෙහි නෙක
තබමින් දිවිය සරු කෙරුනා නොමැත සැක

පෙරදින පෙමින් බැදි අම්මා සමග පියා
පරයන සෙනෙහේ ගගුලැල්ලේ දෙනෙත පියා
සිත යන සෑම රුව වෙතටම දෙපය තියා
යන්නට නොයා දරුවන් හැම හදති සොයා

රූසපුවකට සිතුවිලි නෙකිනෙක බන්දා
යන්නට එපා සැනසුම නැත ඇත නින්දා
සංයත මනසකින් සිතුවොත් සිත බන්දා
රූපය දුකයි මොහොතින් වැනසෙන හින්දා

පෙර දිනේ සිරි ලකේ මව්පියන් රජවරුය. දරු පැටව් මල් වැනිය නමුදු අද ඒ සැවොම මැලවිලා නටු අගින් සිදෙන්නේ රාගයේ ගිනි දැල්ල හද ගැටෙන නිසාවෙනි. මිරිගුවක් සදිසි ඒ රාගයේ නාමයෙන් දරු පැටව් මෙසිරි ලක දෙමාපිය හදවතද නාදුනන පිරිසක්ව පාපයන් සිදු කරන් විදිත් දුක් වේදනා. මැවෙන රූ සිරි වරුණ මොහොතකින් නැසෙනවා ලසන වූ සියල්ලම මිලිනවී දුක ගෙනෙ.

ලස්සන කියා ලොකයෙ කිසි දෙයක් නැත
ගැස්සෙන සිතග සිතුවිල්ලක ඵලක් නැත
ගස්සා දුවන අසරුවමුත් වැටී ඇත
තුන්ලෝ තලේ කාමයෙ සැනසුමක් නැත

සිත්තුළ බැදුනු ආශා දම් වැල හින්දා
දුක් විදිනවා මනුලොව තුළ නව නින්දා
පත්වන විපතකින් ඉරනම දුටු හින්දා
පෙරදින බුදුන් දෙසුවා දම්පද බන්දා


බුදිනා විටදි මී අඹයක රසය මුවින්
නොපෙනේ පනුවො සිටයත් රස නහර ලොබින්
දුටුවොත් පසුව රසකර කෑ පනුවො බැවින්
වමනය යනව මිස කිසිවක් නොවෙති ඉතින්

Wednesday, June 17, 2015

රාගයෙ වෙලුනු අප තවමත් සිගමනයේ

ගිය විට ඉකුත්වී මැදියම් රැය උදයේ
හිරු රැස් මැදින් මල් පිබිදෙයි හිමිදිරියේ
ඒ මල් රොනට ලොබ බදිමින් කඩි මුඩියේ
රාගයෙ වෙලුනු අප තවමත් සිගමනයේ



කලහැකි වැඩක් කාලයෙ මම කරපු වැඩ
නොකලැකි මතක් ඒ හැමදේ පාප වැඩ
එනිසා මෙමා එරුනේ මේ සසර මඩ
පිහිටක් සොයමි යන්නට මම සසර මැඩ

නෙත් යුග අසල කදුලැලි නෙක ගැලුවමුද
අත් දෙක අසල ගැවසුනි කුණු කසල කද
සිත්තුළ පෙරදි ගැවසුනි නම් පිරුනු පද
අද මම මෙතන නැත සත්තයි නිවන මැද

Friday, June 12, 2015

නිවෙනා මාවතම මනසින් සොයාගෙන

නිවෙනා මාවතම මනසින් සොයාගෙන
යනෙනා මාවතේ ඇති පව් නසාගෙන
සිටිනා ලොවැසි සියලුම සත්වයන් වන






Wednesday, June 10, 2015

සිත්තුළ රැදුන ආශා දම් වැල හින්දා
















රාගය ද්වේශ මෝහය හද තිඛෙන තුරු
නෑ සැනසුමක් ජීවන මග ගෙවෙන තුරු
පාවෙන විලස සිතුවිලි සිත ගැටෙන තුරු
යා වෙයි වෙනස් යැයි සිතමින් සමග මරූ

ජීවන මගේ කදුලැලි නෙක පිරී ඇත
මාවත කොතැන ඇතිදැයි අද වැසී ඇත
රාගය දේවේශ මෝහය හා ගැටී ඇත
මරුවට කදිම රුකුලක් ඉන් සැදී ඇත

මිනිසා රාගයෙන් වෙලෙනා මොහොතකම
නෑ සැනසුමක් දිවියේ ඇති හැම තැනම
වාරුව රැගෙන ලොව රාගික සිතට හැම
සිදුවන වෙනස ගැන සිතමුද හද ගැටුම

රූ සපුවකට සිතුවිලි නෙකිනෙක බන්දා
යන්නට එපා සැනසුම් නැත ඇත නින්දා
සංයත මනසකින් සිතුවොත් මන බන්දා
රූපය දුකයි මොහොතින් වැනසෙන හින්දා

ලස්සන කියා ලෝකයේ කිසි දෙයක් නැත
ගැස්සෙන සිතග සිතුවිල්ලක පලක් ඇත
ගස්සා දුවන අසරුවමුත් වැටී ඇත
තුන් ලෝ තලේ කාමයෙ සැනසුමක් නැත

සිත්තුළ රැදුන ආශා දම් වැල හින්දා
දුක් විදිනවා මනුලොව තුළ නව නින්දා
පත්වන විපතකින් ඉරනම දුටු හින්දා
පෙරකළ බුදුන් දෙසුවා දම් පද බන්දා

නෙත් යුග අසල ගැටෙනා හැම එකෙනෙහිම
සිත් තුළ එවිට දුකදුලූ කැට ඇත ගැල්ම
සන්තක සිතක් තුළ නොදැනුම් සුවගැන්ම
වැනසෙන්නට මිසක සැනසුම නැත පිම්ම

Friday, May 22, 2015

විඩාබර මනසකට අදිටනේ මග සොයා: පස් කම් සැපයකට යටවූ මිනිස් කය

විඩාබර මනසකට අදිටනේ මග සොයා: පස් කම් සැපයකට යටවූ මිනිස් කය

පස් කම් සැපයකට යටවූ මිනිස් කය

පස් කම් සැපයකට යටවූ මිනිස් කය
විස්කම් පෙන්නමින් කාමයෙ හැසිරෙතිය
දස්කම් කියා හැසිරී ඒ මිනිස් කය

වනසට සැමට උරුමයි මේ දහම් කය

සිටියා අදුරු පෙදෙසක් තුළ පලගැටියා
දුටුවා දුරම අවලෙන ගිනි ගොඩක් මෙයා
සිතුවා එදෙස පියඹා නෙතු පිනමි තියා
අයියෝ පහන් සිලුවෙන් ඌ දැවී ගියා

තුඹසින් එළිය වෙත නිතරම නොයෙන නයා
ඇසුනොත් නලා නාදය දෙසවනම අයා
කද බඩ කෙලින් කරමින් සිය පෙනය අයා
නටනා නාගයා හසු උනෙ සැපය සොයා

මල් වල රොන් උරන සිතුවිලි සිතේ තියා
ඇත්මද වැගිරෙනා ඇතෙකුගෙ මදය සොයා
මල් රොන් උරන විලසින් දෙනයනම පියා
ඇත්මද බොනා මීමැසි පරලොවම ගියා

දමනා විටදි ජලයට ඇම කටුව නිති
හමනා සුළග විලසින් මාලුවෝ එති
දිවයට පිනන රසයට සිත ලොබය ඇති
මාලුව නමුදු දිව පිනවා එලොව යති

ඇත්මද වැගිරෙනා කාලය එලඹි විට
හස්තිය මෙල්ල කරගන්නට නොහැකි කොට
ඇතිනිය ලගට කැදවා ඇතු වසග කොට
සිව්පා විලගුලා හනිකට බදිති වැට

ඇස කන නාස දිව සිරුරද පිනවගෙන
රිය සක පෙරලමින් අප සැම යන ගමන
පියවර අනුව දුක සැප අප හද දවන
එන බව සිතා පිනවන හැම පිනනු මැන

Saturday, May 02, 2015

කළ හොද නරක පසු පස එනවා

දෙව්රම් වෙහෙරට යන්න එන්න ඇති මෙකලදි පන්සල් යනවා මෙන්
නිවන් දකින්නට පිං මදි වෙන්නැති ඒකයි තව අපි විදවන්නේ.

       

 



මේ පද පෙළ අප කෙතරම් නම් අනුගමනය කරනවාද? විශ්වයේ නිර්මාණයක් වූ අපි අප විසින්ම පෙර කරන ලද කුශලාකුසලයන්ට අනුවම මෙලොව මව්පියන් සහෝදරයන් නෑ හිත මිතුරන් සමගින් අප උපත ලදිමු. ඒ උපත ලද අප අතර දිවි ගෙවන්නවුන්ගෙන් බොහෝ දෙනෙක් ප්‍රකාශ කරන්නේ මෙලොව ඉපදුනාට වඩා හොදයි නොඉපදුනා නම් යනුවෙනි. ඒ මන්දැයි විමසන විට ප්‍රකාශ කරන්නේ පුදුම කරුමයක්නේ ගෙවන්නේ මේ ලෝකෙ ඉපදිලා. මෙහෙමත් දුක් විදින්න පුලූවන්ද? මේ ආදී වදන් වැල් වලින් නිතරම අපේ දෙසවන් පිරී යයි. එහෙත් ඔවුන් ඇයි නොසිතන්නේ තමන් වපුල අස්වැන්නේම ඵලයන් පල දෙන බව...? අප සියල්ලන්ම සිතන්නට විමසන්නට නොයා හැම කි්‍රයාවක්ම සිදු කරයි. එහෙත් එයින් ජනිත වන ඵලය විදින්නට යන විට ඒ ගැන සිතන්නටත් විමසන්නටත් පෙළඹෙයි. නමුත් ඒ ඒ කි්‍රයාවන් සපුරන්නට ප්‍රථම විමසන්නේ නම් තමන් මේ කරන ක්‍රියාව නිවැරදිදි? යනුවෙන් ඉන් තමන්ට විදින්නට අත් වන දුක්ඛිත ඉර නම ගැන යම් හෝ ඉවක් දැනී එය නොකරන්නටද ඉඩ ඇත . එහෙත් එය එසේ සිදු කරන්නට අපට නොසිතෛයි. සංසාරය පුරාවටම අපේ මනසට හුරු පුරුදු කළ අයුරින්ම නිතරම කිසිදු පැකිලීමකින් හෝ තෝරා බේරා ගැනීමකින් තොරව සියල්ල සිදු කරයි.

බුදිනා විටදී මී අඹයක          රසය             මුවින්
නොපෙනේ පනුවො සිටියත් රස නහර ලොබින් 
දුටුවොත් පසුව රසකර     කෑ පනුවො     බැවින්
වමනය යනව මිස   කිසිවක් නොවෙති    ඉතින් 

තිලොවග පියාණන් තිලොවට සෙතම දෙන
දෙසු දම් පදය           හැමදාමත්    හද රැදුන
අමතක කර      දමා  අනියත       රස විදින
මිනිසා  විදිති        දුකදුලූ     සසරේ නිතින

පාලූව කාන්සිය        කියමින්   මත් වන්නේ
වාරුව නැතිව මුලූ   සිරුරම   ලෙඩ වන්නේ
පාරුව පිණිස දෙසු සදහම් නොදැනෙන්නේ
මිනිසා සසර     කතරේ   නිති    විදවන්නේ

වෛරය ක්‍රෝධ    ඉසිකෝමානය      හදට
ලන්කර ලොවේ අනියතවූ     කම්   සැපට
දුවනා මුවන් වැනි    මිරිගුව දැක    පෙරට
මිනිසුන් නොමිනිසුන් වන්නේ පෙර පවට

ජීවය මලකි සැනෙකින් එය    පර වෙනවා
මාවත නොමැති තැන සැමදා තනිවෙනවා
ලෝකය විෂම අයුරින්    දස කැරකෙනවා
පිං පව් අනුව දුක හා     සැප      විදවනවා

සත්වග විදින    දුකදුලූ         කැට නෙතේ      රදා
සිත්තුළ රදන ඉසිකෝමන්    නොගෙන        බදා
සන්තක සිතට        දම්දිය නද      දෙයත      මුදා
ඛෙදමින් සැවොම සැනසෙනු මැන සැවොම සදා

අද මුලූ ලෝකයේම විද්‍යාවේ දියණුවත් සමග මහා වෙනසක් මිනිස් සිත් වල මෙන්ම ශරීර වලද සිදුවී හමාරය. එහෙත් ඒ වෙනස්වීමට අනුගත වන්නට ස්වභාව දහම කිසිදු කැමැත්තක් නැත . ඒ මන්ද ස්වභාව දහම අගයන්නේ මෙලොව වසන ජීවී අජීවී සියලූම සත්වයින්ට හා වස්තූන්ට එක හා සමාන අයිතිවාසිකම් වලින් සැදුම්ලත් මනසකින් යුතු මිනිසුන් නිසාවෙනි. කවරෙකු හෝ ඒ සිතුවිල්ලට පරිභාහිරව ගමන්ගන්නේ නම් ඔවුන් සියල්ලන්ටම දිවයෙන් සමුගන්නට සිදුවන්නේ ස්වභාව දහමේම දඩුවම් තුළිනි. ඒ දඩුවම් දීම පෙර කිසිදු දැනුම් දීමකින් සිදුකරන්නටද නොපසු බට වන්නේය. එය සර්වසාධාරණය. ඒ මන්දයත්? අප සියල්ලෝම නිමවන්නේද ස්වභාව දහමෙන්ම නිසාවෙනි.
මේ විශ්වයේම ස්වභාව දහමට අනුගතව දිවී ගෙවූ හා උපත ලද එකම ශ්‍රේෂ්ඨ උත්තමයානන් වහන්සේ ලොව්තුරා බුදුරජාණන් වහන්සේය. උන්වහන්සේ මුලූ විශ්වයම ස්වකීය මනස තුළින් පාලනය කල බව අප දනිමු. එය ඒ අයුරින් සිදුකරන්නට තරම් ශක්තියක් ලැබුනේ උන්වහන්සේ විසින් ස්වභාව දහම සමග බැදුනු අසීමිත බැදීම නිසාවෙනි. අද ලෝකයේ සෑම රෝගයකටම ඖෂධ නිමවන්නට පරිහරණය කරන්නේ ස්වභාව දහම සතු ශාක කොටස් බව අප දනිමු. එහෙත් ඒ පරිසරය අප අදවන විට විනාශ කොට දමා කෘතිම ඖෂධයන් පරිහරණය කරමින් මේ මිනිස් සිරුර තව තවත් නානප්‍රකාර රෝගකාරකයන් සමූහයකට ඇද දමා ඇත . එහෙත් අප තවමත් බුදුන් වහන්සේ දේශණා කළ දහම අනුගමනය කරන්නේ නම් ඒ රෝගකාරකයන්ගෙන් මිදිය හැක. ඒ කෙසේදැයි ඔබ ඔඛෙන්ම විමසන්න...................?



Monday, April 27, 2015

රකිනු පන්සිල් ලබනු අනුසස් මේ ලෙසින්

සත්ව ඝාතනයෙන් වැලකී සිටීමෙන් ලැබෙන ආනිශංස

ජීවය බිල්ලකින් සැමදා යදින අය
බුදුහිමි විසූ දවසත් ලොව වැසූ අය
සාරය නොදත් නොමිනිසුන් ඔය

කල පව් කමේ දුක්ගිනිදැල් විදිතිමය


ආරෝහ පිරිනාහ සම්පත්තියෙන් යුක්ත වීම
ජව සම්පත්තියෙන් යුක්ත වීම
මනාව පිහිටන පියවර ඇත්තෙකු වීම
රන්වන්පාට සිරුරක් ඇත්තෙකු වීම
මුදු මොළොක් සිරුරක් ලැබීම
පිරිසිදු පැවතුම් ඇති ඇත්තෙකු වීම
සූර වීර ගති ඇත්තෙකු වීම
මහා බලවන්තයෙකු වීම
නොපැකිල කිවහැකි වචන ඇත්තෙකු වීම
කාටත් ප්රිකය මනාප පුද්ගලයෙකු වීම
පහ කළ දොස් ඇත්තෙකු වීම
කෙනෙකුට බිදවිය නොහැකි පරිවාර සම්පත්තියක් ලැබීම
තැති නොගත් කෙනෙකු වීම
විනාශ නොකළ හැකි උතුමෙකු වීම
පර උපක්රිමවලින් අකල් මරණයට පත් නොවීම
අනන්ත වූ පරිවාර සම්පත් ඇති බව
සුරූපී පුද්ගලයෙකු වීම
මනා සටහන් ඇත්තෙකු වීම
අල්ප ආබාධ ඇත්තෙකු වීම
ශෝක නොකරන්නෙකු වීම
ප්රිශයයන්ගෙන් වෙන්වන්නට සිදු නොවීම
දීර්ඝායුෂ ලැබීම
මනාව පිහිටි අග පසග ඇත්තෙකු වීම


අදත්තාදානයෙන් වැළකීමෙන් ලැබෙන ආනිශංස


මහා ධනවතෙකු වීම
බොහෝ ධන ධාන්ය ලබන්නෙකු වීම
අනන්ත භෝග සම්පත් ඇත්තෙකු වීම
නූපන් වස්තු උපදවීමට පුණ්ය ශක්තිය ඇත්තෙකු වීම
ඇත්තා වූ භෝග රැකගැනීමේ වාසනාව
කැමති වස්තූන් වහා ලබන්නෙකු වීම
රාජ සොර ගිනි ජල ආදියෙන් විනාශ කල නොහැකි වස්තුව ඇති වීම
සාධාරණ ධන වාසනා ඇත්තෙකු වීම
ලෝකයේ උත්තමයෙකු බවට පත්වීම
නැත යන වචනය දන්නෙකුවත් නොවීම
සැප විහරණ ඇත්තෙකු වීම







කාමයෙහි වරදවා නොහැසිරීමෙන් ලැබෙන ආනිශංස


සතුරන් නැත්තෙකු වීම
සියලු ජනතාවටම ප්රිවය කරන්නෙකු වීම
ආහාර පානාදී සියල්ල අඩුවක් නැතිව ලැබීමේ භාග්ය ඇත්තෙකු වීම
සැපසේ නින්ද යාම
සැපසේ පිබිදීම
අපාය භය නැත්තෙකු වීම
නපුංසකලඋභතෝලඛ්යුඤ්ජනක තත්ව වලට පත් නොවීම
ක්රෝසධය අඩු පුද්ගලයෙකු වීම
ඒ ඒ දෙය පරික්ෂෘ කොට කරන්නෙකු වීම
කර නොබාගත් කෙනෙකු වීම :කුදු නොවීම-
සැක බිය නිසා බිම බලාගෙන නොසිටින්නෙකු වීම
ඔවුනොවුන්ට ප්රිනය මනාප අඹුසැමියන් ලැබීම
පිරිපුන් ඉදුරන් ඇති බව
පිරිපුන් ලක්ෂණ ඇති බව
සැක නැති පුද්ගලයෙකු වීම
මහන්සි නොවී ධනය ලැබීමේ භාග්ය ඇතිවීම
සැප විහරණ ඇත්තෙකු වීම
කිසි තැනක කුමකටවත් බිය නොවන්නෙකු වීම
ප්‍රශ්ණයන්ගෙන් වෙන් නොවන්නෙකු වීම



මුසා බස් නොපැවසීමේ ආනිශංස



අතිශයින් ප්‍රසන්න ඉදුරන් ඇත්තෙකු වීම
මනා මිහිරි කටහඩක් ඇත්තෙකු වීම
සමානව පිහිටි සුදු දත් දෙපලක් ඇත්තෙකු වීම
අශෝභන වූ මහත් ශරීර නොලබන්නෙකු වීම
අශෝභන වූ මිටි ශරීර නොලබන්නෙකු වීම
අශෝභන වූ උස ශරීර නොලබන්නෙකු වීම
සැප ස්පර්ශ ඇත්තෙකු වීම
දුගද නැති මල් සුවදැති මුඛයක් ඇත්තෙකු වීම
සුවච කීකරු පරිවාර ජනයා ඇති බව
විශ්වාස කළයුතු වචන ඇත්තෙකු වීම
නෙඵම් පෙත්තක් බුදු වූ මෘදු වූ රත්පැහැ දිවක් ලබන්නෙකු වීම
උඩගු නොවන බව
චපල අදහස් නැති ලැජ්ජා භය ඇත්තෙකු වීම


මත්ද්‍රව්‍ය ගැනීමෙන් වැළකීමෙන් ලැබෙන ආනිශංස


තුන් කල්හි කරන යම් කටයුත්තක් වේද එය වහා වැටහෙන බව
සෑම කල්හිම එලඹ සිටි සිහි ඇත්තෙකු වීම
උම්මත්තක නොවී ඉපදීම
ඥානවන්තයෙකු වීම
අලස නොවීම
නොහික්මුණු ක්රිනයා නොකිරීම
කෙළතොලු නොවීම
තරුණ මදයෙන් ආදී මත්වුණු ස්වභාවයක් නැති බව
අප්රමාදී විහරණ ඇත්තෙකු වීම
මෝහයෙන් මුලාවී කටයුතු කරන්නෙකු නොවීම
තැති ගැනීම් නැත්තෙකු වීම
එකට එක නොකිරීම
ඊර්ෂියා නොකරන බව
සත්ය වචන කතාකරන්නෙකු වීම
කේළාම් පරුෂ හිස් වචන කථාකරන්නෙකු නොවීම
අලස බවින් තොරව කටයුතු කරන්නෙකු වීම
කළගුණ දන්නෙකු වීම
කළ උපකාරයට ප්ර්ති උපකාර දක්වන්නෙකු වීම
මසුරු මල ධර්ම නැත්තෙකු වීම
ත්යාුගවන්තයෙකු වීම
මහා සිල්වතෙකු වීම
ඍජු ගති පැවතුම් ඇත්තෙකු වීම
ක්රෝුධ නොකරන සත්පුරුෂයෙකු වීම
පව් කිරීමට ලැජ්ජා ඇති ගුණවත් අයෙකු වීම
පව් කිරීමට බිය ඇත්තෙකු වීම
ඍජු අදහස් ඇත්තෙකු වීම
මහා ප්‍රඥාවන්තයෙකු වීම
මහා චිත්ත ශක්තියක් ඇති නුවණැත්තෙකු වීම
දාර්ශනික අදහස් ඇති පණ්ඩිතයෙකු වීම

Sunday, April 26, 2015

මෛත්‍රී වර්ණනාව/මෙත් ගුණ වරුණ



නිඛිල ජනමන පුණ්ඩරීකවන සණ්ඩමණ්ඩිතප්‍රවරාදිත්‍යය ඝණතර තිමිර තේජෝභිරාම ඝෝරමාර මත්ත මාතංඝ කදම්බ තුම්බ චුම්බිත සම්භේදන පංචවර්ණ රේඛත්‍රයානු රංජිත ශ්‍රීමත් ශ්‍රී ඝණ සුගත තථාත වරධර්ම චක්‍රවර්තී ස්වාමී වූ තිලෝක තිලක තිලෝගුරු භාග්‍යවත් බුදුරාජාණන් වහන්සේ විසින් ආසනාරූඩව තුන්ලොවට සුරතුරක්මෙන් පාතුර්භූතවී වැඩවදාරන්නාවූ මෛත්‍රී බුදුරජාණන් වහන්සේ උපදිනායුරු කෙසේදයත් යනවග මෙසේ දේශණාකොට වදාළ සේක. එසේ හෙයින් ඒ මතු බුදුවෙන මෛත්‍රී බුදුන් උපදිනායුරු කෙසේදයත?්. මතු බුදුවෙන මෛත්‍රී බුදුරජාණන් වහන්සේ විසින් පර්ෂද් මධ්‍යයෙහිදී මේ සත්වයෝ යටගිය දවස ගෞතම නම් බුදුන්ගේ ශාසනය පවත්නා කල්හී ශ්‍රද්ධාවන්තව පර්ණශාලා ධර්ම ශාලා භෝජන ශාලාදිය කිරීමෙන්ද ධර්ම දේශණාදිය  පැවැත්වීම් බොහෝ වශයෙන් බොහෝ පිංකම් කොට එතැන් පටන් මෙතැන් දක්වා මෙබදු දිව්‍ය මනුෂ්‍ය සම්පත් විදිමිින් ආවාහුයැයි වදාරන බවමුත් අන් කිසිවෙකු විසින් කියා නිමවාලිය නොහැක්කාවූ ආනිශංස ඇත්තේමැයි. 
එසේ හෙයින් ඒ මතු බුදුුවෙන මෛත්‍රී බුදුන් උපදිනා පිරිදි කෙසෙදයත්. මේ ගෞතම බුදුන්ගේ ශාසනය පංචප්‍රකාරයකින් අන්තර්ධානව අන්ත රහිතව ඇතිකල්හී මෘග සංවර්ෂාවකින් මේ සත්වයෝ විනාශ භාවයට පැමිණෙතී. එකල්හී ක්‍රෝධ බහුල කොට පැවති සත්වයෝ එම වර්ෂාවට අනුව වැහි බින්දුුවකින් නමුදු තෙමුනු හැම දෙගේම අතට පරඩලා පතක් නමුත් අසුවුනි නම් එය තියුණු මුවහත් ඇති කඩුවක් පත්වෙයි. තම තමන්ගේ මව්පිය ගුරුවරාදී කිසිවෙකුත් දුුටුවේද ඔවුන් ඌරන් මුවන් සේ පෙනෙයි. එවිට ඒ තියුණු මුවහත් ඇති කඩුවලින් කපා කොටා විනාශ භාවයට පැමිණ ලේ වැකුනු ශරීර ඇතිව මැරී වැටි සිටිනාවුන් දැක අහෝ මෙබුදු සත්ව ඝාතනයක් සිදුවීමට කවර අකුශල කර්මයක් සිදුවූූයේදැයි බලා මෙයට මූලික ප්‍රානඝාත අකුශල කර්මයබැව් සලකා ඔවුනොවුන් සෑම දෙනාම දසකුශල සාමදානයෙන් ප්‍රානඝාතාදී දස අකුශල් දුරුකොට දස කුශල සාමදාන බලයෙන් ඔවුනොවුන්ගේ ආයුෂ ක්‍රමයෙන් වැඩී ගොස් අසංඛ්‍යෙයක් වෙයි. අසංඛ්‍යෙයෙහි සිටි ආයුෂ ඇති කල්හී මුනුෂ්‍යයින්ට මෙබදු සිතක් පහල වෙයි. මේ ජීවිතය උපන් කලක් හෝ මියෙන කලක් නොපෙනෙන බැවින් සදාකාලික යැයි සලකා අකුශල චේතනාවන් උපදවා ගනිතී. මේ අකුශල චේතනාවන් බහුල වෙත්ම අසංඛ්‍යෙයෙහි සිටි ආයුෂ ක්‍රමයෙන් පිරිහී ගොස් අසූහාර දහසක් වෙයි.
එකල්හි දඹදිව සුවාසූ දහසක් නුවරින් පිරිවරන ලද කේතුමතී නම් උත්තම රාජධානියක් වෙයි. දිග දොළොස් යොදුන් වෙයි. පළල සත් යොදුන් වෙයි. තව්තිසාවැසි දෙවියන්ගේ ආලක මන්දා නම් රාජධානිය සෙයින් විසිතුරු වෙයි. උතුරුකුරු දිවයින සෙයින් සුලබත්ත ආහාරපාන වෙයි. අත්‍යයන්ත සුඛසමුජ්ජිත මනුෂ්‍යයින් විසින් දශවිද නාදයෙන් එකනින්නාද වෙයි.
එකල්හි දඹදිව දණ්ඩෙන් පනින් කළ එක ගෙයක වසනා සත්ව කෙනෙක් නැත . ඔවුනොවුන් පෙර කළ කුශල කර්මයන්ගේ බලයෙන් පොළොව පලා පැන නැගී රුවන් ප්‍රාසායන්හී දෙව්කුමරුවන් සෙයින් පස්කම් සැපතින් පින පිනා දවස් යවන්නාහුය. 
තවද ගොවිතැන් කරන කෙනෙක් නැත. වෙළදාම් කරන කෙනෙක් නැත බඩසයින් දුක්ගන්නා කෙනෙක් නැත. රෝගපීඩා කරනකොටගෙන ජරා ව්‍යාදි මරණ යන තිලකුණු පහල වීමට විනා සදා සැපත ගෙන දෙන සෘතු ගුණයෙන් යුක්තව මද මද පවන් ඇතිවන බැවින් අමර පුරයක්සේ බබලමින් පොලොව පලා රස මතුවී ස්වයන් ජාත සහල් පැන නැගේ. එම ගොයම් පදුරු මහත්වී කුඩු නැති සහල් මුතු ඇට සේ කරල්වල හට ගැනෙයි. එම ගොයම් එක් පදුරක් කපා මැඩගත් කල්හී දෙදහස් දෙසිය දෙසැත්තෑ ගැලක් පුරා සොලසාමුනු අටලාසක් සහල් ඉතිරි වන්නේය. එම සහල් රන් භාජනයෙහිලා මැණික් උදුනෙහි තුබූ කල්හී ඉබේම බත පිසෙයි. එම සුවද බත් අමා රස වෙයි. එක උදුනකින් පිසගත් බත් මුලූ නගර වැසියන්ට ඛෙදා දුන්නත් බත් සැලිය නොසිස් වෙයි. එම සුවද අමා රසවත් බත් අනුභව කරන්නාවූ මනුෂ්‍යයෝ රන්වන් පිළිම වැනි නිරෝගී ශරීර ස්වභාවයෙන් පින පිනා දවස් යවන්නාහුය.
සංඛො නාම සො රාජා
අනන්ත බල වාහනො
සත්ත රතන සම්පුණෙණා
චකඛවත්තී මහබ්බලො

එකළදී දඹදිව මහරජ පදවිය
හොබවන චක්වත් රජකම සංඛය
ඇත් අ්හ රිය පාබල සත් රත්නය
මේ රජු මුුලූ දඹදිවටම අගනෙය

එකල්හී දඹදිව කේතුමතී නම් උත්තම රාජධානියෙහි සංඛ නම් චක්‍රවර්තී රජ කෙනෙක් වෙයි. ඒ රජු හට එනුවර මධ්‍යයෙහි පස්විසි යොදුන් රුවන්පහයක් වෙයි. එනුවර සිව් දිසාවෙහි රුවන්මුවා සත්පවුරකින් පරික්ෂිප්ත වෙයි. තන්හි තන්හී පොළොව පලා පැන නැගී කප්රුක් වෙයි. අනේක සුවහස් ඇමතිමඩුලූු වෙයි. අනන්තාපරිමාන බලවාහන වෙයි. 

මාතා බ්‍රහ්මවතී නාම
සුබ්‍රාහ්මො නාම සො පිතා
පුරොහිතස්ස සංඛ රඤෙඤා
මෙත්තෛ්‍යයස්ස තදාභවො

බ්‍රහ්මවතීමය මව්තුමි වන්නේ
සුුබ්‍රම් බමුණ පියතුම නම වන්නේ
පුරෝහිතය සක් රජු හට වන්නේ
ඒ දෙපලට මෙත් කුමරු උපන්නේ

එකල්හී මෛත්‍රී බෝධි සත්වයන් තුසිත පුරවරයෙන් නික්ම කේතුමතී නම් උත්තම රාජධානියෙන් සංඛ නම් චක්‍රවර්තී නම් රජුහට අර්ථ ධර්මානුශාසනා කරන්නාවූ සුබ්‍රාහ්මණ බ්‍රාහ්මණයා පිණිස බ්‍රහ්මවතී නම් දෙවියගේ කුස පිළිසිදගෙන අනේකවිධ ප්‍රාතිහාර්ය පවත්වා මාතෘ ගර්භයෙන් ප්‍රසූතව පූර්ණ චනද්‍ර මණ්ඩලයසේ වැඩිවියට පැමිණ නලූුඟන පිරිවරා පොලොව පලා පැනනැගී රුවන්මුවා ප්‍රාසාදත්‍රයෙහි දවස් ගෙවන්නාහුය. 
එම ප්‍රාසාදයෙහි සියක්දිග් දිලෙන මිණි කිංකිනි රාවයෙන් කන්කලු වෙයි. නිරන්තරයෙන් වසින දිව කුසුම් වර්ෂාවෙන් සුගන්ධිතය. සියක් දහසක් නලූවෝ වෙති. අගමෙහෙසුන් චන්ද්‍රමුඛී නම් වෙයි. ඇගේ කයින් දිව සඳුුන් වහනය වෙයි. අනේක සුවහස් ඇමතිමඩුලූ වෙයි. සංඛ නම් චක්‍රවර්තී නම් රජුන් හා සමග සුවාසූ දහසක් ඇමති මඩුලූ ගොස් උපස්ථාන කොට සිටින්නේය.
මෙසේ ඒ මෛත්‍රී බෝධි සත්වයන් වහන්සේ එම ප්‍රාසාදත්‍රයෙහි මහත්වූ සැප සම්පත් අනුභව කරන්නාහූ අටදහසක් අවුරුදු ගිහිගෙයි වාසයකොට චන්ද්‍රමුඛී නම් බිසවගේ කුසින් බ්‍රහ්මවර්ධන නම් පුත් රුවන උපන් කල්හී තුන්පූර්ව නිමිති දැක සතරවරම් දෙවියන් විසින් මවා දක්වන ලද තපස්වී රූපය දැක මහණවීමෙහි අභිප්‍රාය උපදවා එම ප්‍රාසාදයෙහිදී සත් දිනක් පදන් වීර්ය කොට අටවන දවස ප්‍රාසාදයත් සමගම ආකාශයෙන් ගොස් බෝමැඩ සමීපයට පැමිණ ප්‍රාසාදයෙන් බැස රන් කඩුව ගෙන කෙස් වැටිය කපා ආකාශයට දමා මහා බ්‍රහ්මයා විසින් පිළිගන්වන ලද අටපිරිකර පිළිගෙන එම ප්‍රාසාදයෙහිදීම මහණවන සේක. 
මෙසේ ඒ මෛත්‍රී බෝධි සත්වයන් වහන්සේ ශීල සංවර සාමදානය කොට ජලස්නානය කොට ශරීරය සෘතු ගන්වා චන්ද්‍රමුඛී නම් බිසවුන් විසින් පිළිගැන්වූ මිහිරි කිරිපිඩු දානය වළදා රන්තලිය උඩුගම් බලා හැර පුෂ්පපලූ පල්ලවයෙන් සැරසුනාවූ වන ලැහැඹක දිවාසිරි විහරනය කොට සවස් කාලයෙහි දෙවියන් විසින් සරසන ලද මාර්ගයෙන් නාගශ්‍රී බෝධියට පැමිණ තුන්යලක් ප්‍රදක්ෂිණා කොට කුසතන සිලා වගුරුවා එකෙනෙහි පොළොව පලා පැන නැගී අටඅසූරියන් වජිරාසන මස්තකයෙහි චතුරංග සමන්නාගිත වීර්යාධිෂ්ඨානයෙන් වැඩ හිද ප්‍රථම යාමයෙහි පුබ්බේ නිවාසානුස්මෘති ඥානය සමධිගම් කොට මධ්‍යයම යාමයෙහි දිව්‍යචක්ෂුරභිඃ ඥානය ප්‍රතිවේධ කොට පශ්චිිම යාමයෙහි චතුරාර්ය සත්්‍ය පටිච්ච සමුප්පාද ධර්ම අනුලෝම ප්‍රතිලෝම වශයෙන් ස්මරණය කරමින් අරුණොත්ගමනය හා සමග සියලූ දසදහසක් සක්වල එකනින්නාද කොට දශබල වෛශාරධ්‍යය ගුණ සමූහයෙන් හෙබියාවූ සර්වඥතා ඥානය ප්‍රතිවේධ කොට තුන්ලොව උතුරවා ලොව්තුරා බුදුවන සේක.  

නමෝ කියා පළමු වරට සාතාගිර වැන්දා
සාතාගිර වැන්ද මුනිදු අපිත් වදිනවා

තස්ස කියා දෙවැනි වරට රාහු අසුර වැන්දා
ඍාහු අසුර වැන්ද මුනිදු අපිත් වදිනවා

භගවතො බුදු ගුණය කියා සිව් දෙවිවරු වැන්දා
සිව් දෙවිවරු වැන්ද මුනිදු අපිත් වදිනවා

අරහතො බුදු ගුණය කියා ශක් දෙවිදුන් වැන්දා
ශක් දෙවිදුන් වැන්ද මුනිදු අපිත් වදිනවා

සම්මා සමුබුදු ගුණගී ගයලා
සහම්පතී දෙව් මුනි පා වැදලා
පිදු ඒ සම්බුදු ගුණ සිහි කරලා
නමදිමු සිරිපා වනමල් පුදලා

මෙසේ ඒ ප්‍රතිවේධ කරනලද සර්වඥතා ඥානය ඇති ඒ මෛත්‍රී සර්වඥයන් වහ්සේ අනේක ජාති සංසාරා යනාදී ප්‍රීති වාක්‍යය පවත්වා බෝමැඩ සමීපයෙහි සත්සති යවා අටවන දවස මහා බ්‍රහ්මයා විසින් කරන ලද ආරාධනාව පිළිගෙන බරනැස ඉසිපතන්හිදී දම්සක් පවත්වන සේක.

තව්තිසා වැසි දෙවියො සැමදෙන සාදුසාදුු හඩ නගා
පින්පුරාලන පිණිස මිගදා ඉසිපතන් වෙත පිය නගා
සම්බුදුන් සිරිපා පියුම් ළග න‍ැතිර සැදැහෙන් දන ගසා
ඇසූ දම්පද බලෙන් තිලොවග සතම සැනසුනි දුක නසා

පෙන්වා පිරූ දස පෙරුමන් මහිමි බලේ
මරු පරදවා බුදුවී හිද බෝධි මුලේ
මගෙ භුදු පියාණන් බුදු බව ලබපු වෙලේ
නසමින් දුකම තුන් ලෝකය එළිය කලේ

නිලට නිල්වන් නීල දියබිදු සදිසි පොකුණුුුද ගැවසුුනේ
රතට රතුවන් සුදට සුදුවූ නොලූම් මානෙල් සුපිපුනේ
අහිංසක මුව මොණර සාවුන් වනේ අභියස ගහැසිරුනේ
මුණිදු මිගදා ඉසිපතන්හී දහම් සක්නද පෙරලූනේ

සුදුවට සිනිදු රන්කද මෙන් සමව වට
නාගස බෝදියකි මෙත්මුණි සමිදු හට
වටවට පැතිරි තණ ඇතිරියෙ පෙරින් සිට
තිලොවට තිලක සම්බුදු බව ලැබුව විට

සතට සෙත් සුව සදන වෙදැදුරු භවයෙ කෙළවර ඉපදුනේ
සිතට සැනසුම සුවය සදනා බෝධිමුල හිද වැජඹුනේ
ලොවේ පුහුදුන් සිතම රවටන මරුද වසවත් පැරදුනේ
මුනිදු කෙළෙසුන් නසා තිලොවග භුදුව සදහම් දෙසු දිනේ

අනියත නියත දුක නොදැනෙන හදවතට
මැනවින් හැදින දෙසු චතු අරි පද දමට
මෙත් මුණි අසල සැනසෙන සත වෙමු පිනට
නොමගට නොයා සිතුවිලි යා කර එකට

 තවද ඒ මතු බුදුවෙන මෛත්‍රී බුදුරජාණන් වහන්සේට අශෝකය බ්‍රහ්මදේවය යන මහා ස්ථවිර දෙනමක් අග්‍රශ්‍රාවක වන්නාහුය. තවද පදුමාය සුමණාය යන අග්‍ර උපස්ථායිකා යුග්මයක් ඇතිව සිංහ නම් මහ තෙර කෙනෙක් අග්‍ර උපස්ථායක වන සේක. තවද සුධනය සංඝය යන උපාසකයෝ දෙදෙනෙක් අග්‍රඋපස්ථායකයන් වන්නාහුය. තවද යසවතීය සංඝාය යන උපාසිකාවෝ දෙදෙනෙක් අග්‍ර උපස්ථායිකා වන්නාහුය.
තවද මෙසේ නොයෙක් අලංකාරයෙන් විරාජමානවූ ඒ මෛත්‍රී බුදුන් පිටදී බුදුවන්නාවූ නාගශ්‍රී බෝධිියෙහි කලින් සුපිපි සුදුුසිනිඳුු රිදීකදක් හා සමාන සමවූ කදවට එක්සිය විසි රියන් පමණ වන්නේය. එපමණවූ පංච මහා ශාඛාවන් ඇති මුල පටන් අගදක්වා දෙසිය සතලිස් රියන් පමණ වන්නේය. නැගෙනහිර ශාඛාමණ්ඩලයේ පටන් බටහිර ශාඛාමණ්ඩලයට දෙසිය සතලිස් රියන් පමණ වන්නේය. දකුණු දිග ශෘඛාමණ්ඩලයේ පටන් උතුරුදිග ශාඛාමණ්ඩලයට දෙසිය සතලිස් රියන් පමණ වන්නේය. ශාඛාමණ්ඩලය වටින් සත්සිය විසි රියන් පමණ වන්නේය. අතරතුරෙහි හටගන්නාවූ එක් එක් නා කැකුලක් දොළොස් දොළොස් නැලියක් පැන් ගන්නේය. එකී එකී මල්වල නැලියක් පමණ රේණු වන්නේය. පිපිමල් රිය සකක් පමණ වන්නේය. මෙසේ ඒ මෛත්‍රී බුදුන් බුදුවන දවස පිපිමල් සියල්ලම දෙසැත්තෑ දහසක් අවුරුදු පරනොවී මෛත්‍රී බුදුන් පිරිනිවන් පානා දවස නටුවෙන් ගිලිහී ආකාශයෙන් ගොස් ඒ මෛත්‍රී බුදුරජාණන් වහන්සේගේ අදාහන සඳුන් දරසෑය මත්තෙහි වැටී ආදාහනය වන්නේය.
මෙසේ නොයෙක් අලංකාරයෙන් විරාජමානවූ ඒ නාග ශ්‍රී බෝධීන් වහන්සේට පිටදී බුදුවන්නාවූ ඒ මෛත්‍රී බුදුන්ගේ ශ්‍රී බුද්ධ ශරීරය අට අසූරියන්  පමණ වන්නේය. 
සුප්‍රතිෂ්ටිත පාද තලයේ පටන් දෙදන මණ්ඩලයට දෙවිසි රියන් පමණ වන්නේය. නාභිමණ්ඩලයේ පටන් අකුධාතුවට දෙවිසි රියන් පමණ වන්නේය. අකුධාතුවේ පටන් ශිරෝධාතුවට දෙවිසි රියන් පමණ වන්නේය.
 දකුණු උරමණ්ඩලයේ පටන් වම් උර මණ්ඩලයට පස්විසිරියන් පමණ වන්නේය. විදුලි දෙකක් වැනි කන්වැල් සගල් දෙක සත්සත් රියන් පමණ වන්නේය. සමණල පර්වත මස්තකයෙහි පිහිටියාවූ නිල් දෙව්දුනු බැම සඟල වැනි බැම සගල පස් පස් රියන් වන්නේය. රන් අකුස්සසක් හා සමාන උස්වූ නාසය පස් පස් රියන් පමණ වන්නේය. රන් කැඩපතක් හා සමාන සමව වටවූ ශ්‍රී මුහුණ මණ්ඩලය පස්විසි රියන් පමණ වන්නේය. එසේම බිගුවැල් දෙකක් හා සමාන අතිරක්ත තොල් සගල් දෙක පස් පස් රියන් පමණ වන්නේය. ඉතා සිනඳුු දිගු පුලූල්වූ ජිව්හා ධාතුව දස රියන් පමණ වන්නේය. එසේම මිහිගු ඛෙරයක් හා සමාන වටව උස්වූ ශිරෝ ධාතුව සත් රියන් පමණ වන්නේය. වටවට සිලිටු පිරිපුන් ශ්‍රී හස්ත දෙක සතලිස් රියන් පමණ වන්නේය. සශ්‍රීකවූ ශ්‍රී පාද දෙක තෙලෙස් රියන් එක් වියත් සාගුල් පමණ වන්නේය.
මෙසේ නොයෙක් අලංකාරයෙන් විරාජමාන වූ ඒ මෛත්‍රී බුදුන් දක්නාහුද නොදක්නාහුද කවුරුද යත්.
 මාතෘ ඝාතක පීතෘ ඝාතක අරහත්ත ඝාතක ලොහිතුප්පාදක සංඝභේදක යන පංචානන්තර්ය පාපකර්ම කොට අවීචි මහා නරකයෙහි උපන් සත්වයෝද ඒ මතු බුදුවෙන මෛත්‍රී බුදුන් දැක්ක නොහැක්කෝමය. 
තවද දැගැබ් බෝධි ශාඛා සිදබිද දැමුවෝද ඒ මෛත්‍රී බුදුන් දැක්ක නොහැක්කෝමය. තවද සංඝයා වහන්සේට ආක්‍රෝෂ පරිභව බිනූ සත්වයෝද සිල්වතුන්ට බොරුබස් ඉපිදවූවෝද ධර්මයට අනාදර බිනුවෝද ඒ මෛත්‍රී බුදුුන් දැක්ක නොහැක්කෝමය.
 තවද දන්වැට ගසා කෑවෝද බුදුන් සතු  දෑ කෑවෝද දහම් සතුදෑ කෑවෝද සඝ සතු දෑ කෑවෝද ඒ මෛත්‍රී බුදුන් දැක්ක නොහැක්කෝමය. 
තවද අන්‍යාගමික දෘෂ්ටිගෙන මෙලොව නැත පරලොව නැත කම් නැත කම් ඵල නැත මව් නැත පියා නැත කලාවූ කුශලාකුසල කර්මයක විපාක නැතැයි මිත්‍යාදෘෂ්ටි ගෙන ඇවිද්දාහුද ඒ මෛත්‍රී බුදුන් දැක්ක නොහැක්කෝමය.
 තවද හිරුසඳු දෙවියන්ට වැසිවලා දෙවියන්ට දොස්කීවෝද අරුනලූ අසඤ්ඤ තලයෙහි උපන්නාහුද ප්‍රත්‍යයන්ත ජනපදයෙහි උපන්නාහුද පරසක්වල උපන්නාහුද නිඝණ්ඨාජීවකාදී පාසාණ්ඩයෝද ඒ මෛත්‍රී බුදුන් දැක්ක නොහැක්කොමය. 
තවද මේ ලෝකයෙහි බණ අසා ශ්‍රද්ධාවන්තව දන් පිංකම් කලෝද නිත්‍ය පංච ශීලය පොහොය අෂ්ඨාංග ශීලය රක්ෂා කලෝද දාගැබ් කරවූවෝද දා කරඩු කරවූවෝද පර්ණ ශාලා භෝජන ශාලා ධර්ම ශාලාදිය කලෝද ඒ මතු බුදුවෙන මෛත්‍රී බුදුන් දක්නාහුමය.
 තවද බෝධි රෝපණය කලෝද පුෂ්පාරාම ඵලාරාම කලෝද උයන් පොකුණු කලෝද අම්බලම් ගොතටු කලෝද පැංතලි කලෝද ඒදඩු පාලම් සෑදුවෝද ඒ මතු බුදුවෙන මෛත්‍රී බුදුන් දැක නිවන් දක්නාහුමය. තවද ආමිෂදාන ධර්ම දාන වශයෙන් සංඝයා වහන්සේට පුද පූජා සත්කාර කලෝද මව්පියන්ට උපස්ථාන කලෝද ගුරුවරුන්ට උපස්ථාන කලොද ඒ මතුබුදුවෙන මෛත්‍රී බුදුන් දැක නිවන් දක්නාහුමය. තවද ගිලනුන්ට උපස්ථාන කලෝද කුලදෙටුවන්ට උපස්ථාන කලෝද ලහබත් පොත හා බත් අවධිබත් දන්නෝත් දස පිංකිරියවත් පිරුවෝත් ඒ මෛත්‍රී බුදුන් දැක නිවන් දක්නාහුමය.
 තවද බදු සසුන් ඇති කරවන්නට උත්සහ ගත්තෝද ධර්ම කතිකයන්ට මණ්ඩප කරවා පිළිගැන්වූවෝද ධර්මාසන සැරසුවෝද රන්මල් රිදී මල් පිදුවෝද සුවදමල් සුවද සුණු පිදුවෝද බණ කියන කළ සතුටු සිතින් සාදු කාර දුන්නෝද ඒ මතු බුදුවෙන මෛත්‍රී බුදුන් දැක නිවන් දක්නාහුමය.
 තවද පිළිම ගෙවල් කරවූවෝද බණ පොත් ලියවා පූජා කලෝද තමන් පූජා කළ පොතේ අකුරු ගණනට චක්‍රවර්ති රාජ්‍ය සැප සම්පත් විද මතු බුදුවෙන මෛත්‍රී බුදුන් දැක නිවන් දක්නාහුමය.
 තවද බණ කියන්නන්ගේ පය සේදුවෝද යන සියලූ වතාවත් කොට බණ කියන්නන් ආදරයෙන් වඩාගෙනවුත් ධර්මාශන මත වඩාහිදුවා ආරාධනාකොට බණ කියවූවෝද අනුන්කළ පිං අනුමෝදන්වූවෝද ඒ මතු බුදුවෙන මෛත්‍රී බුදුන් දැක බණ අසා මාර්ග ඵලයන්ට පැමිණ අමා මහ නිවන් දක්නට උත්සහ කටයුත්තේය. 
එසේ හෙයින් මෙම විහාරස්ථානයේ කරණලද පුණ්‍ය කර්මයන් කරනකොට ගෙන ලබන සියලුම ආනිසංසයන්ගේ හේතුවෙන් මතු නිවන් අවසාන කොට සදිව්‍යය ලෝකයෙහි සදිව්‍යශ්‍රී සැපසම්පත් හා මනුෂ්‍යය ලෝකයෙහි චක්‍රවර්තී රාජ්‍යය සම්පත් විදිමින් මතුමනාවූ අනාගත කාලයෙහි කේතුමතී නම් උත්තම රාජධානියෙහි රජ බමුණු කුළයන්ගෙන් තමන්ට අභිමත කුලයක ඉපිද මෛත්‍රී බුදුන් දැක බණ අසා මාර්ග ඵලයන්ට පැමිණ අමාමහ නිවන් දක්නට උත්සහ කටයුත්තේය. 

Sunday, April 05, 2015

ඔබ නැණවතෙකි එහෙත් ඔබ....................................?


දිනන්නට මිස පරදින්නට අප කිසිවෙක් මේ විශ්වය තුළම අකැමැත්තෙමු. එහෙත් අප නිතරම එකම කි්‍රයාවලියක නියැලෙමින් හිද අපේ අනාගත බලාපොරොත්තු මල්ඵල ගන්වන්නට හැකිදැයි ඔබ ඔබගෙන්ම සිතන්න. ඒ මන්ද? ඔබ නීතීඥයෙක් වන්නට නම් එයට අදාල දැනුම ලද යුතුය. එසේම ගුරුවරයෙක් වන්නට නම් එයට අදාළ දැනුම මැනවින් ලද යුතුය. ගොවියෙකු වන්නට නම් එයට අදාළ දැනුමද මැනවින් ලද යුතුය. සොරෙකු වන්නටද ඒ දැනුම ඒ අයුරින්ම නොලදහොත් කෙදිනක හෝ හිරේ විලංගුවේ වැටෙන්නට අවකාශය ලැබුණත් එයටද මනා දැනුමක් නොලදහොත් ඉක්මනින්ම හිරේ විලංගුවේ වැටෙන්නට සිදුවේ. එසේමය අනිකුත් වෘත්තීන්හී නියැලෙන්නටද මනා දැනුමක් නොලබන්නේ නම් තමන් මහා ගැටලූ රාශියක හිමි කාරයෙකි. එසේමය සමාජය තුළ මැනවින් යහපත් පුරවැසියෙක් ලෙස ජීවත් වන්නට නොදන්නේ නම් එවිටද මහා ගැටලූ රාශියකි. අප නිතරම දතයුතු යම් අදහසක් ඇත . එනම්? ඔබ එකම කි්‍රයාවලියක් තුළ නියැලෙමින් හිද වෙනත් ප්‍රතිඵල බලාපොරොත්තු නොවන්න. එසේ බලාපොරොත්තු වන්නේ නම් ඔහු උමතු පුද්ගලයෙකි. එහෙත් ඔබ අනුගමනය කරන ක්‍රියාවලිය වෙනස් කරන්නේ නම් අනාගතේ ලැඛෙන ප්‍රතිඵලයද වෙනස් වේ. ඒ තල වපුරා තලම ලබන්නාක් මෙනි. 
අද බොහෝ පිරිසක් සුන්දර අයුරින් ගෙවන්නට ඇති දිවිය තුළ ගින්දර අවුලාගෙන ඇත්තේ සුදුසු කලදි සුදුසු කටයුතු කිසිත් මැනවින් සපුරා නැති නිසාවෙනි. අප සෑම කි්‍රයාවක්ම සිදුකරන්නට යාමේදී ප්‍රථමයෙන්ම එය සුලූ සුලූ වැරදීම් වලින් යුතුවේ. සර්ව සම්පූර්ණව සිදුකරගත හැකි නොවේ. එහෙත් එය වැරදුනා යැයි සිතා අප එය පසෙකට දැමීමද නොකළයුතුය. ඒ මන්ද යත්? වැටි වැටී නැගී සිටීමෙන් මහා ශක්තිමත් පුද්ගලයෙකු ගොඩනැගිය හැකි නිසාවෙන්මය. පංතියේ ගණන් හදන්නට බැරියැයි සලකා පංතියේ පසෙකට වී බලා සිටියදී පංතියෙන් පිටමන් කළ තෝමස් අල්වා එඩිසන් අදවන විට අදුර දුරුකරන විදුලි බල්බය ඇතුලූ විද්‍යා භාණ්ඩ 100ට අදික ප්‍රමාණයක් නිමවන ලද්දේ වැරදීම් සිදුවීමෙන් හා ඒ වැරදි නැවැරදි කරගැනීමෙනි. වැරදීම ලෝකයේ සියලූම දෙනාට සිදුවන්නකි. එය ස්වෝත්සාහයෙන් ජයගෙන පෙරට යන්නට වෙර දරන්නේ නම් ඒ තුළින් මුලූ ලොවම දිනිය හැක. ඒ හැකියාව ඔබ සතුව ඇත . අවශ්‍ය වන්නේ නොසැලෙන උත්සාහය තුළින් ප්‍රඥාව මෙහෙයවා කටයුතු කිරීම පමණි. අප මෙලොවට ජනිත වන විට හරියට එඩන්නටවත් නොදත්තෙමු. එහෙත් නිතර නිතර හැඩීමෙන් හඩන්නටත් අනිකුත් කි්‍රයාවන් නැවත නැවත සිදු කිරීමෙන් අද සිටින තත්වයටත් පැමිණ ඇත . එහෙත් අප කිසිත් නොකර මට කිසිත් නැත කිසිවක් නොහැකි යැයි සිතා හා කියමින් පසෙකටවී හිදින්නේ නම් ලැබුණු මොලය හා ස්නායු පද්ධතියද අකි්‍රයවී මන්ද මානසිකත්වයෙන් යුතු පුද්ගලයෙක්ම වනු ඇත . එබැවින් ඔබට බැරියැයි සම්මත හා සතුට හා වාසනාව අහිමියැයි නොසිතන්න. අප සියල්ලන්ටම සියල්ල හිමී. අප ඒ කරා යන්නට අවැසි මග මැනවින් සකසා ගතයුතුයි. එය ඔබ සතුයි.