යනවා අම්මේ රජ මැතිවරු දෙනෙත පියා

දැනුනම කුසගින්න නිමවන මගක් සොයා

යනවා සැවොම මහමග වෙත දෑත අයා

එනමුත් කුසේ කුසගින්නක් නොමැති නියා

පෙරදින අම්මේ අප කළ පව්කම් හින්දා

අදදින මෙහෙම පාරට බැසගත් හින්දා

විදිනට උනා නොව අම්මේ දුක් නින්දා

නාඩන් අම්මේ නාඩන් නුඹ ඉකිබින්දා

ජීවන ගමන කටුකයි නොව මගෙ අම්මේ

පාවෙන සිතේ සිතුවිලි මත හද නැම්මේ

ඉවසාදරාගෙන සිටි නම් පෙර අම්මේ

මේවැනි දුකක් විදිනට නොමැතිය අම්මේ

පෙර අත්භවේ මසුරුව අප වසපු නිසා

මෙලෙසට වෙන්න ඇති සසරෙ කරුම නිසා

මතු අත්භවේ කදුලැලි සහ මුලින් නසා

සැනසුම පතා නාඩන් පුත ඉකිම ගසා

රචනය-මැදිරිගිරියේ සෝමානන්නද හිමි

විඩාබර මනසකට අදිටනේ මග සොයා