Tuesday, January 24, 2012

ජීවිතය මැනවින් රෝපණය කරන්නට නම්

ජීවිතය මැනවින් රෝපනය කරන්නට නම් අනුන්ගේ දෝසාරෝපනයන්ට හෝ ගැරහුම් නින්දා අපවාදයන්ට හිත කලකිරෙන පුද්ගලයෙකු නොවිය යුතුයී. ඒ මන්දයත් ප්‍රකුර්ති ස්ව්භාවයෙන් පවතින් සිත විකුර්ති ස්වභාවයට පත්වීම තුලින් කිසිදු කාර්යක් තම්න් සතු බුද්ධියෙන් විමසා කරන්නට තිබෙන හැකියාව කෙමෙන් කෙමෙන් වියැකී යන් නිසාවෙන්මය. මේ සියලුම කරුනු කාරනා ගැන මැනවින් දැන හැදින් ජීවිතය එකිනෙක බාදක මැද ගොඩ නගන්නට අප වෙර දැරිය යුත්තේ නොසැලෙන අධිෂ්ටානයෙන් යුතුව ප්‍රඥාවේ ආලෝකය උදාකරලීමෙන්මය.


Monday, January 16, 2012

අප උපදින්නේ...

අප උපදින්නේ හඩා වැටෙමින් හයක් හතරක් නොතේරෙන්නවුන් පරිද්දෙනි. එහෙත් යමක් කමක් තේරුම් ගත හැකි කාල පරාසයකට එලබි පසු ඔබ විසින් සමාජ ගත අන්‍ය සත්වයින්ට සලකන්නේ කවරාකරයෙන්ද? අප සියල්ලෝම එකොලොස් ගින්නකින් දැවි දැවී පිච්චෙමින් අලු දූවිලි බවට පත් වන්නට මෙතරම් වෙර දරන්නේ මන්ද? ඇයි අපට හිතන්න බැරි මේ ජීවත් වෙන කාලය තුල නිවැරදිව ජීවත් වීමට වෙර නොදරන්නේ කවර මානසික ගැටලුවක් නිසාද? ඔබගේ  මනස තුළ ඇති නොදැනීම නිසා බව නොදන්නේහිද? ඔබ එය මැනවින් දනී. එහෙත් ඒ ගැන් කිසිදු අවබෝදයක් ලබා ගන්නට වෙර නොදරන නිසාම දුකදුලුම හද තුල තුරුලු කරමින් එකොලොස් ගින්නක් තුලම වෙලෙන්නට වෙර දරයී.ඔබ මොහොතක් සිතන්න ඔබ ඉපදෙනකොට මේ කෘර,දරුණු, අදම සිතුවිලි ඔබේ මනස තුළ ගැබ් වී තිබුනා? ඒ ගැන මොහොතක් සිතා මනසින් හා නැණසින් කටයුතු කරන්න.එවිට ඔබට සැනසීමෙන් දිවි ගෙවිය හැකිය. එසේ නොවන්නේ නම් ඔබෙ නෙතු අග කදුලක්ම පමනක් රැදේ.

 

 

 පිරිසුදු බුදු දහම වැරදිව අවබෝධ  කරගනු ලබන්නේ

පිරිසුදු බුදු දහම වැරදිව අවබෝධ කරගනු ලබන්නේ යමෙක්ද ඔහු නයෙකුගේ වලිගයෙන් ඇල්ලුවාක් වැනිව විනාසයට පත් වෙයී. එය මැනවින් දැන හැදින් අප සියල්ලෝම බුදුන් වහන්සේ ස්විසින් දෙසිත දහමට අනුකූලව හැඩගැසිය යුතුය. බොහෝ පිරිසක් මහා වැරදි සිතුවිල්ලක බැදෙමින් අන්ධ මානසිකත්වයක් ගොඩනගාගෙන හිදින්නේ නිවැරදි බුදු දහම මැනවින් වටහ ගත්තු නිසාම නොවනු ඇත. මහා පරිණිර්වාන සූත්‍රයට අනුව අප මෙය මැනවින් විමසා බලමු. ඒ කෙසේද යන වග අප මැනවින් විමසා බලමු.

චුන්දකර්මාර පුත්‍රයා බුදුන් වහන්සේට දානයකට ආරධානා කලේ මහා ආශාවකිනී. එසේම බුදුන් වහන්සේද එයට භික්ෂු සංඝයා පෙරටු කරගෙන වැඩියහ. අනතුරුව බුදුන් වහන්සේ ඇතුලු භික්ෂු සංඝයා පැනවූ ආසන මත වැඩ හිද පිලි ගැන්වූ දානය වළදා අවසන බුදුන් වහන්සේ මෙසේ දෙසිතය. චුන්දකර්මාරය ඔබ විසින් මා සදහාම පිලියෙල කරන ලද සූකර මද්දව වැලදීමට එකම සුදුස්සා මෙන්ම වළදවා ජීරනය කිරීමට හැකි දෙව් බඹුන් මෙන්ම මරුන් ඇති ලොවේ සමත් වන්නේ ලොව්තුරා බුදුන් වහන්සේම පමනී. ඒ නිසා ඒ සූකර මඩ්ඩව දැන් වලලන්න. එය වෙන කිසිවෙකුට දිරවිය නොහැකී.


මෙහිදී පැහැදිලි වන්නේ එය මස් මාංශයක් නොවන බවම නොවේද..? ඌරු මස් උනා නම් එය ලොකයේ  ඕනෑම කෙනෙකුට අනුභව කර ජීරණය වන්නට තිබුනා නොවේද ? මේ ගැන මැනවින් වටහා ගත යුතුව ඇත. බුදුන් වහන්සේ විසින් මස් මාංශ අනුභව කරන්නට එපා යැයී කිසිදු මොහොතක දෙශණා කොට නැත. එසේම අකුසල්ද කරනට එපා යැයී නොදේශිතය. උන්වහන්සේ විසින් දෙශිත කුමක්ද එහෙනම්? මේ වරදි කලහොත් මෙවනි දුක්ඛිත විපාක විදින්නට සිදු වෙයී. එහෙනම් ඒ දුක් විපාක විදින්නට අකැමත්තෝ එය නොකරත්වා. දුක විදින්නට කමත්තෝ එසේ අකුසල් කරත්වා. පින් සහ පව් ද මේ අයුරින්ම දේශිතය.   

ලොව්තුරා බුදු පියානන් වහන්සේ අසීමිතා කරුණාවක් මෙන්ම දයාවක් හා මෙත පතුරමින් තවෙකෙකුගේ මසක රස බලන්නට තරම් පාපයට නැබුරු වූවෙකු නොව. උන් වහන්සේ නමට ගැලපෙන අයුරින්ම සම්මා සම්බුදු රජානන් වහන්සේමය. තුන් ලොවට මෙත් පතුරන මහා අවිහිංසා වාදියානෝය. මෙය අප මැනවින් සිත දර නිවැරදි බුදු මගට පිය මනිමු.

 

 



ජාතියක් වශයෙන් හා ආගමක් වශයෙන් සිංහල ජාතියට

ජාතියක් වශයෙන් හා ආගමක් වශයෙන් සිංහල ජාතියට ආවේනික වූ සිරිත් විරිත් වලින් අනිත් ජාතීන්ට වඩා පරිපූර්ණ වූ සහ කිසිවෙකුට හෙලා නොදැකිය හැකි සංස්කෘතියක් ඇත. එහෙත් එයට පරිබාහිරව සින්හල ජාතිකයන් කටයුතු කරන නිසාම නොයෙකුත් ගැටලු සහගත තත්වයන්ට මුහුන පාන්නට සිදු වී ඇත. එය හරියට තමන්ට යායුතු මග තිබියදී නොමගට ගොස් කිසිදු දැනුමක් නැති කාන්තාරයක අතරමන් වූවාක් හා සමානය. එහි වැලි රත්වෙන මොහොතට උඩ පැන පැන හඩ ගගා කෑගසයි. එහෙත් එය නොදැනෙන රැයට මොහොතකට එ කිසිත් මතක නැත. මෙයම නොවෙද අපෙ සිංහල ජාතියට වෙලා තියෙන්නේ? ඇයී එහෙම උනේ යායුතු මග තිබියදී නොමග ගිය නිසාම නොවේද? සමාජගත සත්වයාද තිරක් තියෙන තැන මැනවින් දැන තොරක් නැතිව අන්‍යන්ගේ සංස්කෘතීන්ට අවනත වෙන්නට සිතන පතන නිසාම සහ ඒ තුල ඇති ගුණ සහ අගුණ ගැන කිසිදු විමසීමකින් තොරව ඒ සියල්ලම වැලද ගන්නා නිසාම අකටයුතුකම් කරමින් සමාජය තුල පරාජිතයන් ලෙස බියගුලු ස්වභාවයක්   උසුලයී.                                         


අප සියල්ලෝම කිසිදු මොහොතක නොසිතන එකම කරුණක් ඇත. එය නිසාම අපේ ජීවිත තුල නොයෙක් ගැටලු ඉක්මනින්ම නිර්මාණය වනු ඇත. ඒ කුමක්ද? මත්ද්‍රව්‍ය ලක්දිවට හදුන්වා දුන්නේ ඇයී? ඒ තුලින් අනිත් රටවල් තුල ඉන්න ඇත්තන් බලාපොරොත්තු වනුයේ කුමක්ද? ලක්දිව ඇති හොදට සිතා මතා කටයුතු කරන්නවුන්ගේ මනස සහ ශරීරය විකෘති කර විනාශ කිරීමේ අරමුනම නොවේද?


උම්මත්තකා විගත ලජ්ජි ගුණා භවන්තී 
දීනාසද්‍යශනා ශෝක පරායනාච
ජාතා භවෙසු විවිදෙසු විරූප දේහා

පීත්වා හලා හල විසන්ච සුරා විපඤ්ඤා..



යමෙකු අප්‍රමාදයට හේතුවන මත් ද්‍රව්‍ය පරිහරනය කරන්නේ නම් ඔහු මෙලොවදීම උම්මත්තකයෙකු,දිලින්දෙකු, අලජ්ජී පුද්ගලයෙකු, නින්දා ලබන්නෙකු බවට, ශෝක කරන්නෙකු, ලෙඩ රෝගයන්ට ගොදුරු වන්නෙකු මෙන්ම නැවත අත්භවයක උපදින්නේ නම් විරූපී දේහයක් ඇතියෙකු මෙන්ද උපදිනු ඇත.එසේම තමන් සතු වූ නෑ හිත මිතුරන්ට තමන්ව එපාවන තත්වයක් උදාවනු ඇත.


මේ සියල්ලක්ම සිදු වන්නේ කුමක් නිසාද? අප අනුන් කරන දේ වැලද ගත් නිසාම නොවෙද? ජාතියක් වශයෙන් හා ආගමක් වශයෙන් මහත් එඩිතරකමකින් දිවි ගෙවන්නට තිබියදී එය වියැකාගෙන තිබෙන්නේ අපි විසින්ම නොවේද? දැන දැනත් අපට විදින්නට තියෙන සැප සම්පත් නැති කරගන්නේ එසේ නම් අප විසින්ම නේද? ඇයී එහෙම සිද්ද උනේ අන්‍යන් සතු කටයුතු අපද වැලද ගන්නට ගිය නිසාම නොවෙද?ඒ  නිසාමයී. අන්‍ය ජාතිකයන් මහත් හරසරින් උත්සව පවත්වනව දැකප සින්හලයනුත් ඒ විදිහටම උත්සව පවත්වන්නට කටයුතු කලා. එතනදි අප සතු උනු හැම සිරිතක් විරිතක්ම විනාශ වෙලා. මේ සියල්ලම අප සතු වන අතුප්ති කර ආශාවේ ප්‍රතිඵලයක්ම මිසක් වෙන කිසිවක් නොවේ.එය මකාලමින් නැති උනු සංස්කෘතිය නැවත අප තුලින්ම පුබුදුවන්නට කටයුතු කරන්ව මිසක් අනිකුත් ජාතිකයන්ගෙ ආගමක්වත් ජාතියක්වත් හෙලා දැකීමෙන් ඇති කිසිදු ප්‍රතිඵලයක් තියෙනවද ?යන වග අපගේ නැණසින් මැනවින් විමසා බැලිය යුතු කාලය අද හෙට හෝ අනිද්දා නොවේ.තවත් අන්‍යය ජාතිකයෙක් සතුන් මරන්ව මත්ද්‍රව්‍ය පරිහරනය කරනවා යැයී දැන දැනත් ඒ තුලින් මහත් විනාශයක් සිදුවන බව මැනවින් දැන අපද එය වැලද ගැනීමද කල යුතු? නැහැ නේද? මෙය මැනවින් සිතනු වටහා ගනු කටයුතුකරනු. එසේ යමෙක් කරන්නේ නම් හා සිතන්නේ නම් ඒ සැම හට තෙරුවන් සරණින් යහපතක්ම වේවා.


 



Sunday, January 15, 2012

තමන්ට තමන්ගෙ ජීවිතය තුල විදින්නට අවශ්‍ය

තමන්ට තමන්ගෙ ජීවිතය තුල විදින්නට අවශ්‍ය යැයී තමන්ගෙ මනසට දැනෙන සතුට හා සැනසුම තමන් තුලින්ම ඇති කර ගත යුතුයී. එය ඇති කරගන්නට තමන්ගෙ මනස නිරවුල්ව නිර්මාණය කර ගන්නට වෙහෙස විය යුතුයී. එසේ නොවන්නේ නම් තමන්ගේ මනස නොයෙක් අයුරින් වි‍කෘති කරගත් උම්මත්තකයෙකු අයුරින් කිසිදු සැනසිල්ලකින් තොර දිවියක් ගත කරන්නට නිතැතින්ම සිදු වනු ඇත. එය ස්වභාවයෙන්ම තමන් විසින් උරුම කර ගන්නක් මිසක් වෙන කිසිදු හේතුවක් මත සිදු වන්නක් නොවේ. අප සියලුම දෙනා සමාජය තුල කරන ක්‍රියාකාරකම් සියල්ලම නිවැරදි නම් අපගේ මනසට ඒ හා සමානම සැනසීමක් ලද හැකිය. එසේම සමාජය තුල වැරදි යැයී සම්මත යමක් කරන්නේ නම් ඒ තුලින් අපගේ මුලු මහත් ජීවිතය තුලටම කිසිදු සැනසීමක් ලද නොහැකි වනු ඇත.



තමන්ගේ සිත තුලින් සිතන්නේ යමක්ද?

තමන්ගේ සිත තුලින් සිතන්නේ යමක්ද? පතන්නේ යමක්ද? එය ඒ අයුරින් ඉටු නොවෙන හැම මොහොතකම අපගේ සිත තුලට නොයෙක් දුක් ගැහැට විදින්නට සිදු වෙයී.එහෙත් මෙය අප අපගේ සිත තුල මැනවින් රදවාගෙන කටයුතු කරන්නට පෙලබෙන්නේ නම් එතනදි අපගෙ සිතට දැනෙන හැම දුකක්ම මනසේ මෙහෙය වීම තුලින් මැනවින් නිරාකරනය කරගත හැකිය. ජීවිතය නැමති නෞකාව තුල ගමන් යන විට දිය තුල ඇති වෙන නොයෙකුත් හේතු නිසා ආපදාවන්ට ලක් වන්නට සිදු වෙයී. ඒ ආපදාවන් ඇති වෙන බව මැනවින් දැනගෙන නැණස මෙහෙය වීමෙන් දිවි මග ගමන් කරන්නේ නම් හැම ගැටලුවකටම විසදුමක් අපට ඉක්මනින්ම සොයා සපයා ගත හැකිය. එසේ නොවන්නේ නම් අප සියලුම දෙනාට නොයෙකුත් මානසික අසහනකාරී තත්වයන්ට මුහුන පාන්නටම සිදු වෙයී. නිතරම තමන්ගෙ සියලුම වැඩ කටයුතු තනිවම කර ගන්න පුද්ගලයෙකුට ගොඩක් හිතවත්ව ලගින් ඇසුරු කරන්නට කවුරු හරි කෙනෙක් හමු උනොත් එතනදි ඔහු සතු සියලුම තතු ඒ තැනැත්තාට ප්‍රකාශ කරයී. එසේ උවත් එය එතරම් වටිනා කාර්‍ය්ක් නොවේ. එහෙත් නැවත ඒ පුද්ගලයාගෙන් ඒ තැනැත්තා කවර හෝ හේතුවක් මත වෙන් වුවහොත් එතනදි තමගේ සිතට දැනෙන පීඩනය මහා විශාලයී. ඒ නිසාම අප සියල්ලෝම අන්‍යන්ගෙන දිවි මගට ගත යුතූ උපදෙස් පමනක් මැනවින් රෑගෙන මේ දිවි මගේ ඇලීම් ගැලීම් වලින් තොරව දිවි ගෙවන්නට කටයුතු කරනටම වෙහෙසෙමු. එය අපගේ දිවියෙ සාර්ත්කත්වය කරා යන ගමනට මහගු පිටු වහලක් වනු ඇත.



කෙනෙකු ස්වකීය ලැබීම්ට අමතර.....

කෙනෙකු ස්වකීය ලැබීම්ට අමතර වෙනත් ලැබීමක් සොයා යන්නේ නම් ඔහු ඔහුටද නොදැනී මහත් විශාල දුක් කරදර සමූහයකට පත් වනු ඇත. එය ලෝකයේ ස්වභාවය බව අප සියල්ලෝම සිතෙහි තබා ගනිමින් කටයුතු කරන්නේ නම් මැනවි. එසේ නොවන්නේ නම් ඔබගේ දිවියේ විනාශය කෙදිනකද යන වග ඔබටවත් සිතා ගත නොහැකි අයුරින් සිදු වනු ඇත.


අම්මෙක් තාත්තෙක් නොමැති ජීවිතයක්

අම්මෙක් තාත්තෙක් නොමැති ජීවිතයක් ජීවත් කරවන්නේ කෙසේද? ඒ  ජීවිතයට අවැසි ආදරය, කරුණාව, දයාව, ආරක්ෂාව, ආදර්ශය, ලබා ගන්නේ කොහොමද? ඒ කවරාකාරයෙන්ද? අප සියලුම දෙනා මේ සැප සම්පත් ලබන්නට නිතැතින්ම කැමැත්තෝ වෙමු. එහෙත් ඒ සැප සම්පත් ලබන්නට නොහැකි කෙතරම් ජීවිත ප්‍රමාණයක් මේ ලෝකය තුල මානසිකව මෙන්ම කායීකව දුක් විදිනවාද? ඒ දුක් වේදනාව නිමා වෙන්නේ කවර නම් මොහොතකද? ඒ අයුරින් දෙමවුපියන් අහිමිව උපදින්නේ ඇයී? ස්වභාව දහම විසින් ඇයී ඒ අයුරින් මිනිසුන් නිර්මාණය කරන්නේ? කවර නම් කරුණක් පදනම් කරගෙනද?ඒ අයුරින් දෙමවුපියන් අහිමිව ලොවට දායාද වන සමහර පුද්ගලයින් සමාජය තුල මනා පිලි ගැනීමකට පාත්‍ර වන චරිතයන් අයුරින් මෙන්ම අප්‍රිය චරිත අයුරිනද නිර්මාණය වනු ඇත. ඒ ඔවුනොවුන්ගේ මානසිකත්වය අනුවමය. ජීවිතයක් තනන්නෙකු මිසක් ජීවිතයක් වනසන්නෙකු වන්නට අප කිසිදු මොහොතක නොසිතිය යුතුයී. ඒ මන්ද යත් අප මේ ලෝකයට තනිවම ඉපදුනා නම් ඒ තනිවම ඉපිද තනිවම දිවි ගෙවන්නට අවැසි වන වස්තු සම්පත් අපට ස්වභාව දහම විසින්ම දායාද කොට ඇත. එයද උපයෝගී කොට ගනිමින් ජීවිතය ඉදිරියට ගෙන යන්නට වෙර දැරිය යුතුයී. එහෙම නැතුව මට දෙමවුපියො නැහැ යැයි සුසුම් හෙලමින් හිදීමෙන් කිසිදු අරමුනක් වෙත මැනවින් පිය නගන්නට හැකි නොවනු ඇත. ජීවිතයට ලැබෙන හැම සැපතක් මෙන්ම දුකක්ද එකම අයුරින් පවත්වා ගන්නට නම් තමන්ගේ මානසික හැසිරීම් රටාව නිවැරදීව හැසිරවිය යුතුයී. එසේ නොවන්නේ නම් දෙමවුපියන් අහිමි වුනු ජීවිතයකට හෝ දෙමවුපියන් අසලම සිටින ජීවිතයකට කිසිදු මොහොතක ජීවිතය මැනවින් ජය ගන්නට නොහැකි වනු ඇත. අප සෑම කාර්‍ය්ක්ම කරන්නට යාමෙදී ඒ කාර්‍ය් කිරීම සදහා අප සතුව පවතින හැකියාව කෙබදු දැයී අප මනා අවබෝදයකින් සිටිය යුතුයී. එසේම ඒ හැකියාව තමන් සතුව නොමැති නම් ප්‍රතමයෙන් ඒ හැකියාව තමන් සතු කරගෙන ඉදිරියට යන්නට කටයුතු කල යුතුයී. එසේ නොවන්නේ නම් අපගේ ජීවිතය කවරාකාරයෙන්වත් නගා සිටුවන්නට නොහැකි වනු ඇත. එසේමය දෙමවුපියන් නොමැති ජිවිතයකටද අවැසි වන මුලින් සදහන් කරන ලද අවශ්‍යතාවයන් අන්‍යන්ගෙන් මැනවින් නොලැබෙන්නේ නම් එය තමන්ගේම මනස තුලින් නිර්මාණය කරගෙන තමන්ට අවැසි අයුරින් භුක්ති විදිය යුතුය. ඒ තුලින් මනා සැනසීමක් ලද හැකිය.


Saturday, January 14, 2012

ජිවිතෙ හැමදාම හැම මොහොතකම....

ජිවිතෙ හැමදාම හැම මොහොතකම ගත කරන හැම තත්පරයකම ඔබ ඔබ වෙනුවෙන් යමක් සිදු කරනව මෙන්ම අන්යන්ටද ඉන් යහපතක් විය යුතුයී. ඒ යහපත තුලින් බොහෝ පිරිසකට මහත් සැනසීමක් ලද හැකි නම් එය මහත් සැනසීමකී. මිනිසුන් බොහෝ පිරිසක් ස්වකීය සැනසුම සොයන්නට ලද මේ මිනිස් දිවිය තුල ඔවුනොවුන්ගේ වැනසුම නිමවා ගන්නට මහත් වෙහෙසක් දරන බව අප සියල්ලෝම නිතරම නෙත ගටන කාලයක ඒ වැනසුම සැනසුමකට පමුණ වන්නට අප වෙර දැරිය යුතු කාලය අද හෝ හෙට නොවේ එය මේ මොහොතෙම ස්වකීය මනස තුලින් මෙහෙය වීමෙන් කළ යුතුමයී. එය මැනවින් සිදු කරන්නේ කෙසේද යන වග මේ තුලින් මැනවින් පැහැදිලි කර දෙන්නට වෙර දරමු.